கவிதை விளையாட்டு: தலைப்பை விட்டு செல்

[Global Angel]

என்று அழைப்பாய்
இனியவளே என்று
அன்று நான் அடைவேன்
பிறவிப்பயனை


நான் அடைவேன்

[aasaiajiith]

இனியவளே !
பூக்களின் பெருந்தலைவியே !
புலமையில் தேர்ந்தவளே !
பூக்களின், கூட்டத்தை சேர்ந்தவளே !
( சிலநாட்களாய் )
என் மகிழ்ச்சியை சார்ந்தவளே !
குறையேதும் இல்லாத
நிறையான (பௌர்ணமி) பிறை போல
முழுதாக புரிதல் வேண்டும்
அது கொண்டால் போதும்
முழு மனதிருப்தி
நான் அடைவேன்

அடுத்த தலைப்பு - மனதிருப்தி

[Global Angel]

என்று தொலைகின்றேனோ
உண்னுள் முழுதாய் தொலைகின்றேனோ
அன்று நான் அடைவேன்
மனதிருப்தி


முழுதாய் 

[aasaiajiith]

வீண் பொழுதாய் கழிந்து வந்த என்  பொழுதுகள்
இன்று தேன் பொழுதாய் கழிவதன் காரணம்,
 உன் நினைவு, விழுதாய்
மனம் முழுதாய் பரந்ததனால்
பிறந்திடும் கவிதைகளே !

அடுத்த தலைப்பு - கவிதைகளே

[Global Angel]

என் கவிதைகளே
உன்னை கணப்பொழுதும்
தரிக்க ஆசைபடும் போது
என் கண்கள் மட்டும் என்ன துறவியா
அதற்கும் தரிசனம் தந்துவிடேன்

தரிசனம்

[aasaiajiith]

சரித்திரம் போற்றும் உயிர் சித்திரம் ஒன்று
உருகியே மருகுது தரிசனம் வேண்டும் என்று
அடடா இதனை அதிசயம் என்பதா ?
விழிகளை விரிவடைய செய்யும் விசித்திரம் என்பதா ?
உன் தரிசனம் பெரும் கரிசனத்திற்கு
ஊருசனம் ,சாதிசனம் இதோ இந்த பாவிமனம்
பெரும் வரிசையில் கால்கடுக்க காத்திருக்கு !

அடுத்த தலைப்பு - பாவிமனம்

[Global Angel]

ஏன் இந்த ஒதுக்கம்
என்னை புரியவில்லையா
இந்த பாவி மனம்தான் தெரியவில்லையா ?

ஒதுக்கம்

[aasaiajiith]

அழகே !
உனை போல் உள்ளத்தின் உட்புறத்தில்
உள்ளதை எல்லாம், பதுக்கம் செய்திடும்
பழக்கம் இல்லாததால் , வழக்கம் போல்
ஒதுங்கியே இருக்கவே இந்த ஒதுக்கம்
என்ன செய்வது , இனிமையால் மனதை
சிதைக்கும்  உன்னை வதைக்க மனமில்லை
கண்ணே, மணியே என கதைக்க வழியில்லை
கென்னெடி சதுக்கம் , அண்ணா சதுக்கம் போல்
ஆசை சதுக்கம் அமையும், அப்போதாவது
ஆசையை ஆசையாய் வந்துபார் !

அடுத்த தலைப்பு - வந்துபார்

[ஸ்ருதி]

கண்ணுக்குள் கருவிழியாய்
இதயத்தின் துடிப்பாய்
என் உயிரின் சுவாசகாற்றாய்
வந்து பார்
என் நேசம் என்றால் என்னவென்று
உனக்கு உணர்த்தி சொல்லும்

சுவாசகாற்றாய்

[aasaiajiith]

உன் வரிகளை வாசிக்க வழி இல்லாது
விழியிருந்தும் குருடாய் வாழ்ந்துவந்த கவித்தளம்
இரக்கம் நிறைந்த ஒருசில இதயங்களால்
இதுவரை இரவல் காற்றினில் இருந்துவந்தது
 இனி சுதந்திரகாற்றை ஆசுவாசமாய்
சந்தோசமாய்  சுவாசித்து ஜீவிக்க
சுத்தமான சுவாசகாற்றாய் உன்
சுக வரிகள் நித்தம் நித்தம்  பதிவாகவேண்டும் !

அடுத்த தலைப்பு - பதிவாகவேண்டும்

[ஸ்ருதி]

எண்ணத்திலும்
நினைவுகளின்
கடைசி பதிவாய்
உன்னில் நான்
பதிவாக வேண்டும்...
நேசமே நேசத்தை
சுவாசித்த என் இதயம்
இன்று சுவாசிக்க
முடியாமல் சிறு தடை...

சிறு தடை

[aasaiajiith]

இடைவிடாது பொழியும்அடைமழைக்கு
தடையிடலாம், தவறில்லை
அடைமழையின் கொடையினால் படைகொண்டு
பாயும் காற்றாற்று வெள்ளத்திற்கு
மடையிட்டு தடையிடலாம், தவறில்லை
நடைபோடும் பூங்காற்று நீ .
உனக்கு  சிறு தடையா ?
தடையிட்ட மடையன் யாரவன் ?
குடைச்சல் கொடுக்கும் அலுவலக மேலாளனோ ?

அடுத்த தலைப்பு - நடைபோடும் பூங்காற்று

[Global Angel]

மெல்ல தவழ்ந்து
மெதுவாக என்னை தீண்டி
மெல்ல நடை போடும்  பூங்காற்றாய்
உன் நினைவுகள் ...

நினைவுகள்

[RemO]

நித்தம் நித்தம் உன் நினைவுகள்,
மறக்க வேண்டுமென
மறக்காமல் நினைக்கிறது
மரித்தாலும் மறக்கமுடியாது
என்பதை அறியாத மனது 

அடுத்த தலைப்பு:
மரித்தாலும்

[Global Angel]

மரித்தாலும்
மறக்க முடியாத
உன் நினைவுகளுடன்
மரணத்தின் வாயிலிலும்
மனதோடு போராடுவேன் ...

மரணத்தின் வாயில்