கவிதை விளையாட்டு: தலைப்பை விட்டு செல்

[ஸ்ருதி]

கொஞ்சும் கண்களை
தேடும் நெஞ்சினை
நஞ்சும் கலந்திடாமல்
கொல்லும் வார்த்தைகளை
கொட்டி தீர்க்கிறாய்
பேதை இவள்
சொல்ல நினைத்த வார்த்தைகள்
எல்லாம் சொல்லாமல்
கண்ணீரில் கரைய
கண்ணீரை அறியாமல்
கவலை புரியாமல்
உன் பதில் பார்த்து
காத்திருப்பேன் காலம் முழுவதும்

[Global Angel]

ஊருக்கு புத்தி ..
அது உனக்கு வருவது எப்போது
காலம் முழுவதும்
நல்லவர்களாய் நடிக்க
கற்று தந்த ஆசானுக்கு
கர்மம் எல்லாம் நரகம்தான் ...
வாழ்ந்துவிட்டு போங்கள் ..


நரகம்

[ஸ்ருதி]

நீ இல்லாத
ஓவொரு மணித்துளியும்
நரகமாய் நகர
நரகத்தை கூட
சொர்க்கமாக்கும்
உன் பார்வையை
என் மேல் வீசி விடு

பார்வையை

[Global Angel]

உன் பார்வையை தழுவியே
என் பதமும் நகர்கின்றது
வாழ்கையின் துயர்களை கடக்க
உன் பார்வை ஒன்றே போதும் என்றேன்
உன் பார்வையே சுமையானது இன்று ..


துயர்

[ஸ்ருதி]

சோர்ந்திருக்கும்
நெஞ்சம் தனை
துயர் கொள்ளும் வார்த்தைகளை
வீசி துடி துடிக்க வைத்து விட்டாய்
வரத்தை எனும் வாளால்
கொன்றுவிடாதே
வஞ்சியிவள் வாழ நினைப்பது
உன்னுடன் மட்டுமே

கொன்றுவிடாதே
 

[Global Angel]

கொன்றுவிடாதே என்று
உன்னை நான் கேட்கமாட்டேன்
ஏற்கனவே நடைபிணமாய் போன எனை
இனொரு முறை கொல்ல
உன் நினைவுகளாலும் முடியாது ...


நடைப்பிணம்

[ஸ்ருதி]

நீயே என் இதயதுடிபாய்
நீயே என் சுவாசமாய்
நீயே என் வாழ்வாய்
உன் நினைவு மட்டும்
நிரந்தரமாய் இருந்தபோதும்
உயிர் இருந்தும்
நடை பிணமாய் போனேன் இன்று


நிரந்தரமாய்

[Global Angel]

உனக்கும் எனக்கும்
உறவு நிரந்தரமோ இலையோ
பிரிவு மட்டும்
நிரந்தரமாய் போனது ...
என்றாவது ஒரு நாள்
என்னை நீ நினைப்பாய்
அன்றாவது உன் தவறுகள்
உனக்கு புரியட்டும்


பிரிவு

[ஸ்ருதி]

சொல்லாத வார்த்தைக்கும்
இல்லாத கற்பனையை
கற்பிக்கும் உலகில்
நேசத்தை சொல்ல
வார்த்தை இல்லாது
போனதால்
என் பாசத்தை உணராது
நீ பிரிவை வந்து
உறவை கொல்கிறாய்

உறவு 

[Global Angel]

உறவுகள் நிரந்தமில்லை
இணையத்தில்
இதயங்கள் இணைவதும்
சாத்தியமில்லை
புரிந்து தவித்தது மனது
மனம் என்று ஒன்று இருக்குமானால்
மனசாட்சியும் இருக்கும்தானே
மறக்க நினைக்குறேன்
உன் துரோகங்களை


துரோகங்களை

[ஸ்ருதி]

துரோகங்களை மறக்கும்
மனது இருக்குமாயின்
வேண்டும் எனக்கும் ஒரு மனது
மறந்து வாழும்
மனதாய்..
நினைவை கொல்லும்
மனதாய்
என்னைக் கொன்று
உன்னை வாழ வைக்கும்
மனதாய்
எல்லாம் மறக்கும்
மனம் வேண்டும்...

தவிப்பு

[Global Angel]

என் தவிப்புகள்
ஒவொரு தருணங்களிலும்
தயங்காமல் அதிகரிக்கிறது
அலை கடல் தாண்டி
அக்கரையில் இருப்பவனே
என் தவிப்புகளை
தாரை வார்க்க வா  


அக்கரையில்

[ஸ்ருதி]

அக்கறையில்லாமல் நீ
அக்கரையில் நீயிருக்க
அனுதினமும் உன்னை
நினைத்து தவிப்பவளாய் நான்
தினமும் ஒருமுறையாவது
என்னை நினைத்துக்கொள்...
நினைப்பை என்ற நம்பிக்கையில்
உன் நினைவுகளை
நேசித்துக்கொள்கிறேன்

ஒருமுறையாவது

[Global Angel]

ஒருமுறையாவது
உன் வியர்வை துளிகளை
நான் ருசிக்கும் தருணம் வேண்டும்
விரகதாபத்தில் நான்
மோகத்தில் நீ
மொத்தத்தில் தீ ..

மோகத்தில்

[ஸ்ருதி]

சேர்த்து வைத்த
ஆசையெல்லாம்
ஒரே நாளில் வாழ்ந்திட
சொல்லாத ஆசைகளை
நீ அறிந்து தந்திட
நாணத்தில் தலை குனிந்திட
மோகத்தில் உன் முகம் காணும்
துணிவில்லை என்னிடம்

நாணத்தில்