கவிதை விளையாட்டு: தலைப்பை விட்டு செல்

[Asthika]

வாயால் சொல்ல முடியாதவை,
கண்கள் சாட்சியமாய் பேசுகின்றன.
ஒவ்வொரு துளியிலும் ஒரு வரலாறு,
நீயின்றி வாழும் என் வார்த்தைகள்

 அடுத்த தலைப்பு:  ஏக்கம்

[Jithika]

ஒருவரின் அன்பை நீ அலட்சியப்படுத்தும் போது உனக்கு தெரியாது! அதே அன்பிற்காக ஏங்கும் போது தான் தெரியும்!

NEXT 🌹மனம்🌹

[Asthika]

மனது ஒரு கடல் போலே – அமைதியில் ஆழம், புயலில் வேகம்,
வெளியில் நிசப்தம், உள்ளே ஓர் போராட்டமே.

அடுத்த தலைப்பு: பயணம்

[Jithika]

அந்த ஊரிலிருந்து
புறப்படும் கடைசிப் பேருந்து அது,

எங்கு போகும், எப்போது போய்ச்சேரும் எனத் தெரியாது,

வாழ்வின் பயணத்தை நீட்டிக்க கிடைத்த கடைசி வாய்ப்பு அது,

ஓடுவதற்கு ஒரு தூரமோ,

தேடுவதற்கு ஒரு தொலைதலோ இல்லாத அக்கணத்தில் ஆரம்பிக்கிறது முன்பதிவு செய்யப்படாத ஒரு பெரும் பயணத்தின் தொடக்கம்…

NEXT 🌹தூரம்🌹

[Asthika]

தூரத்தில் நீ இருந்தாலும்,
துணையாக என் நினைவில் நின்றாய்.
தொலைவுகள் எல்லாம் வெறும் எண்ணம்,
உன் பெயர் மட்டும் தான் என் சொந்தம்.
தூரம் ஒரு எண்ணம் மட்டுமே,
மனதின் பாலம் எல்லாவற்றையும் கடக்கும்.

அடுத்த தலைப்பு 💫 தேடல்

[Jithika]

உன் சந்தோஷத்தை அடுத்தவரிடம் தேடாதே! அது உனக்கு தனிமையை மட்டுமே தரும். உன் சந்தோஷத்தை உன்னுள் தேடு. மகிழ்ச்சியாய் இருப்பாய்!

NEXT 🌹பணம்🌹

[Asthika]

பணம் எனும் பச்சை அட்டைகள்,
பாசத்தை மறக்கச் செய்யாதே!
உன் மனம் விற்று பணம் வாங்கினால்,
மனிதம் தொலைந்துவிடும் என்பதே உண்மை!

அடுத்த தலைப்பு 💫 பெண் தோழி