கவிதை விளையாட்டு: தலைப்பை விட்டு செல்

[aasaiajiith]

தேறா காரணத்தை கூறி
என்னை பாராமுகமாய் தவிக்கவிட்டு
ஓராயிரம் முறை உன்னை நினைக்கசெய்து
ஆறா ரணத்தை பரிசாய் அளித்து
உன் நினைவில் என் மனதை
துகள் துகளாய் தெரிக்கவைத்தவளே !
இருந்தும் உன்ஆசை தீரவில்லை என்றால்
நேராக வந்து என் உயிரை மரிக்க வை

அடுத்த தலைப்பு - உயிரே 

[Global Angel]

உயிரே
உருகுவது  என் இதயம் மட்டுமல்ல
உன் நினைவுக் கத்தியினால்
சல்லடை ஆக்கபட்ட
இதயத்தை தாங்கும்
என் உயிரும்தான் ...

உருகுவேன்

[ஸ்ருதி]

இரும்பாய் உன் இருதயம் இருக்க
கரும்பாய் இனித்திடும் வார்த்தைகள்
நீ உதிர்க்க
குறும்பாய் நீ பார்த்திடும் பார்வையில்
உருகுவேன் நான்

[aasaiajiith]

தலைப்பை விட்டுசெல்ல
 மறந்த தலைப்பூவே   (தலைசிறந்தபூவே) !
ஒரு நாளேனும் உன்
 தலைபூவாய் இருந்திட
அருந்தவம் புரியும்
 உலகபூவெல்லாம்
ஆயிரம் தலைவாங்கிய அபூர்வ சிகாமணியை
விஞ்சிடும் வகையில் ஆயிரம் இதயம் குளிர
தளத்தில் ஆயிரம் கவிதைகளை கடந்து
தடம்  பதித்த சுடர்மணியே !
உன் தலை பூவை தருவாயோ இல்லையோ
இதோ ,உனக்காக தலைப்பை நான் தருகிறேன்

அடுத்த தலைப்பு - தலை பூ

[Global Angel]

என் வாழ்க்கை உன் கையில்
என்  கல்லறை வாசம் உன் சொல்லில்
பூவா தலையா போட்டு முடிவு பண்ணாதே ..
பூ எடுத்து பூவைக்கு தா
அதுதான் எனக்கு தலை பூ 



பூவா தலையா

[ஸ்ருதி]

பூவா தலையா போட்டு
காதலை தேர்ந்தெடுத்து
காதலை  உனக்கு சொல்ல
விளையாட்டு பொருளாய் போனதோ
என் காதல்
பூவாய் நீ வந்துவிடு
தலையில் சூடிக் கொள்வேன்
காதலை நீ தந்துவிடு
காலமெல்லாம் காத்திருப்பேன்


காலமெல்லாம்

[Global Angel]

எனக்காக  நீ
என்பதை சொல்லிவிடு
காத்திருப்பேன் காலம் எல்லாம்
உனக்காக ...

சொல்லிவிடு

[ஸ்ருதி]

ஒவ்வொரு நொடியும்
உன்னுள் மாற்றம்
புரியாமல் நான்
சொல்லிவிடு
புரியாமல் தவிக்கும்
என் மனதிற்கு
சொல்லிவிடு
உன்னை மறப்பது
எப்படி என்று
சொல்லிவிடு


சொல்லிவிடு

 

[aasaiajiith]

கவிதையிலே  கனல் மூட்டி போறவளே !
மௌனத்திலே  அதை அணைக்க சொன்னவளே
பெண்ணே, என்  சொல்லெல்லாம்  முள்  ஆனதே   
ஐயோ ,  என் சுவாசமும்  சூடானதே

என் இதயமே இடம் மாறி துடிக்காதே
என் விழியே கண்ணீரை வடிக்காதே

என் இதயமே இடம் மாறி துடிக்காதே
என் விழியே கண்ணீரை வடிக்காதே

பெண்ணே பொய் என்பது மெய் ஆகினால் ,ஐயோ
மெய்  என்பது என்னாகுமோ  ?
பொய் புரிதல் நிலையாகுமோ ? சொல்லி விடு

     அடுத்த தலைப்பு - புரிதல்

[Global Angel]

புரிதலில் தவறென்று
புறம் சொன்னவர் தாம்
இன்றும் புலம்புகின்றார்
இதன் பெயர் என்னவோ

புலம்பல்

[aasaiajiith]

வளமை நிறைந்த தமிழ்  பற்று கொண்ட
ஒருவனின் புலமையை புலம்பல் என
பிழையாக புரிந்துகொண்டு புலம்பும் ஏந்திழையே !


ஜீன்ஸ் திரைப்படத்தில் இடம்பெறும் "புன்னகையில் தீமூட்டி "
பாடலின் வரிமாற்றம் தான்  நான் பதிவு செய்த அந்த
கவிஏற்றம் .


உன்னை குறைகூறுவதாய் என்ன வேண்டாம் தையலே !

குருட்டு குற்றச்சாட்டு புரியும் திருட்டு புரட்டர்களின்
 புரட்டு பேச்சுக்கள் பொருட்டு நீ கொண்ட மையலே (மயக்கம்)
உன்னை இப்படி என்னை எண்ண தோன்றியதோ ?

அடுத்ததலைப்பு - ஏந்திழையே !

[Global Angel]

என்று வருவாய்
எண்ணங்களில் சிறகடிப்பவனே..
ஏந்திழையே என்றழைத்து
எண்ணற்ற முத்தங்கள்  பகிர

முத்தங்கள்

[ஸ்ருதி]

எப்போதாவது
நீ தருகின்ற முத்தங்கள்
ஒவ்வொன்றும்
தித்திக்க
நித்தம் பெற வேண்டி
காத்திருக்கிறேன்
முற்றுபெறா ஏக்கத்தை
தீர்க்க என்னவனே
வந்துவிடு
உன் முத்தமொழிகள்
தேடி என் உதடுகள்
உலர்ந்து போய்
காத்திருகின்றது





முற்றுபெறா

[RemO]

வயது முற்றி
வாழ்க்கை  முற்றுப்பெற்றாலும்
முற்றுப்பெறாமல் வாழட்டும்
நம் காதல்

அடுத்த தலைப்பு : வயது

[Global Angel]

வயது கடந்தாலும்
வாழ்வு பிறந்தாலும்
வாழ்ந்து கொண்டிருக்கிறது
முதுமையிலும் நரைகளாய்...காதல் .

முதுமை