கவிதை விளையாட்டு: தலைப்பை விட்டு செல்

[Bommi]

உன் நிழல் படும் இடம் நான்
ஓய்வெடுத்தால்..
பனிகூட எனக்கு ஈரத்துணி போல்தான்…
என் உதிரம் துடைக்க நீ உடன் இருந்தால்…!!!


ஓய்வெடுத்தால்

[Gotham]

கடக்கும் தூரம்
இன்னும் மிச்சமிருக்கிறது
நிறைய
ஓய்வெடுத்தால்
சேருமிடம் சேராமலேயே
சேர்ந்துவிட்டால்
நேரப்போவதேனோ?
மனமாறி விடுவானோ?

-------

தூரம்

[Bommi]

நம் இருவருக்கும் இடையில்
பல்லாயிரம் மையில்கள் - நமக்குள் ,
பேசாமல் அமைதியாய் கழியும்
கன நொடி நேரம்  -
கொடிதினும் கொடிது


கன நொடி

[vimal]

கன நொடி கூட உனை
நினைக்காமல் நானில்லை,
அதனால்தான் என்னவோ
உன் கால்தடம் கேட்கிறது என்
இதயத்தில்....லப் டப் லப் டப்...

உயிர் வாழ்வேன் ஓசை இருக்கும்வரை.....

கால்தடம்

[Bommi]

உன் கால்தடம் பேசியது
என்மேல் கொண்ட
உன் காதலை....
சிலகணம் திகைத்து நின்றேன்
'கால்தடங்களும் பேசுமா?
காதலுக்காக என்று"....



சிலகணம்

[Gotham]

கனமான மனதும்
சிலகணங்கள்
தவிக்கின்ற பொழுது
காட்டாறு போல
கரைபுரண்டோடும்
விழியோர
கண்ணீரும்

---------------

கரை

[Bommi]

காதல் கிணற்றுக்குள்
கால் வழுக்கி விழுந்தவன்
அவளுடைய
கண்கள் வீசிய
கயிற்றைப் பிடித்து கொண்டு
கரையேறும் போது-......


கயிற்றைப்

[Gotham]

மணலாய் மூடப்பட்ட
பாலைவனத்தில்
திக்குதெரியாமல்
விழுந்துவிட்டேன்
கானல்நீராய் தெரிந்த
மணற்கிணற்றில்
தலைமீது மண்சிதற
கயிற்றை இன்னும்
தேடிக்கொண்டிருக்கிறேன்
உயிரோடு
புதையும் வரை

--------
கானல்நீர்

[Bommi]

நேற்று வாழ்வின் இன்பங்கள்
இன்று வாழ்வின் ஏக்கங்கள்
நாளை வாழ்வின் நோக்கங்கள்
நாளும் தோன்றும் கானல்நீர்



வாழ்வின்

[Gotham]

வசந்தங்கள் வாழ்வின்
அர்த்தங்கள் தேடி
நிதமும் நின்னை
சிந்திக்கிறேன்
எங்கே இவளென்று
யாசிக்கிறேன்
இத்தனை நாள் என்னை
காக்க வைத்தாலும்
இதுவரை ஊரறியா
பேரறியா உன்னை
என் உளமாற
நேசிக்கிறேன்..

---------------
இவள்

[Bommi]

இவன் அதிகம் இன்று இவளுக்காக
காத்திருந்த காரணத்தால்
எழுதினான் கவிதை ஓன்று
"அவள் கன்னத்தில் முத்தம்"


காத்திருந்த

[vimal]

காத்திருந்த பொழுதுகள் கடந்து
கண்ணியொருவல் காதல் வலையில்
வீழ்ந்தேன்...வீழ்ந்தும் கிடைத்த
பரிசு காத்திருப்பு மட்டுமே, அவள்
என்னிடம் விட்டுச் சென்ற
நினைவுகளுடன்....கன நேரமும்
வந்து செல்கிறாள் இன்று, நிஜமாய்
அல்ல நிழல் உருவாய்...

நிழல் உரு

[Gotham]

மனதின் பிம்பங்களில்
இன்னும் சற்று
மிச்சமிருக்கிறது
அவளின்
கன்னத்தின் குழியும்
இதழோர புன்னகையும்
மதுவில் மிதக்கும்
திராட்சை போல
மயக்கும்
கண்ணின் கருவிழிகளும்
என்றும் எந்தன் நினைவினில்
நிழல் உருவாய்

------------

திராட்சை

[Bommi]

கறுப்புத் திராட்சை தோட்டத்தில்
கண்கள் மறைக்கும் பனி மூட்டம்
காதலி சுருண்ட கூந்தலில்
கமகம மணக்க சாம்பிராணிப் புகை



 கூந்தலில்

[Gotham]

மல்லிக்கும் மணமுண்டு
அவள் கூந்தலில்
சூடியபின்னே
ரோஜாவிற்கும் நிறமுண்டு
அவள் கை
வருடியபின்னே
அவள் என் தேவதை

---------

தேவதை