கவிதை விளையாட்டு: தலைப்பை விட்டு செல்

[Global Angel]

அணுவிலும் உறைந்து
உறவாடி உயிரை வாட்டும்
காதலா .....
நீ ஓர் சர்வதிகாரி .....


காதலா

[supernatural]

உயிரோடு உறவாடி...
மனதோடு கதை பேசி...
நிழலாக என்னோடு ..
வாழும் ரகசிய காதலா ...

நிழலாக

[aasaiajiith]

நிழலாக  நீ  நிலையாய்
நீடித்து இருப்பாய் என்றால்
நிலமாக நான் இருக்க தயார்
நிதான நேரம் ஆனாலும்
நீ என் மீது  படர்வாய் .
நிதர்சனமாய், அது போதும் எனக்கு !

அடுத்த தலைப்பு

நிதர்சனம்

[Bommi]

எனக்கு தனிமை நேரம்
என்று எதுவுமில்லை
நீ என்னுடன் இருக்கும்
நேரங்கள் என் தனிமை நேரம்
உன் உருவத்தை  நிதர்சனமாய்
என்னுள் பதித்து தனிமையை
இனிமையாக ரசிக்கறேன்

அடுத்த தலைப்பு :என்னுள்

[ஸ்ருதி]

என்னுள் குழப்பம்
இப்படியும் மனிதர்களோ..
பெண்கள் எப்போது
கேலிப் பொருளாய்
போனார்கள்..
ஏன் இந்த கபட நாடகம்..
ஆசை வார்த்தைகள் பேசி
ஆளை ஏமாற்றம்
இனியும் வேண்டாம்.... 

ஏமாற்றம்

[Bommi]

உன் குறுஞ்செய்திக்கு நான்
தாமதித்து பதில் அனுப்புகிறேன்
ஏன் என்றால் என் பதிலுக்கு
காத்திருக்கும் ஒவ்வருநொடியும்
உன் கண்ணில் ஏமாற்றம்

அடுத்த தலைப்பு :தாமதித்து

[aasaiajiith]

தாமதித்து கிடைத்தாலும் இந்தியாவுக்கு சுதந்திரம்
தரமாக கிடைத்தது நிரந்தரமாக கிடைத்தது

கொஞ்சம் முன்னரே கிடைத்தாலும்
தரமும் இன்றி நிரந்தரமும் இன்றி
நிலையே இல்லாமல் பெண்கள் சுதந்திரம் !

அடுத்த தலைப்பு

சுதந்திரம்   

[supernatural]

சுதந்தரமாய் சிந்தித்து ..
சுதந்தரமாய் செயலாற்ற...
சுதந்தரமான நம் நாட்டில்....
சுடர்களான பெண்ண்களுக்கு...
சுதந்திரம் மறுக்கபடுகிறது...

சிந்தனை 

[Bommi]

உந்தன் மகிழ்ச்சியே
எந்தன் மகிழ்ச்சி
நீ மகிழ்ச்சியாக இருபதற்க்காக
என்னை நான் மிகப்பெரிய
சிந்தனை கவிங்கனாக
காவிய நாயகனாக
நான் துன்புறுத்தவும்
என்னக்கு சம்மதம்

அடுத்த தலைப்பு :சம்மதம்

[suthar]

இந்துவோ,
இஸ்லாமோ,
கிறிஸ்துவமோ,
சீக்கியமோ,
புத்தமோ, ஜைனமோ,
உன் மதம்
எம்மதமாயினும்
எனக்கு தேவை
உன் சம்மதம்..!
உனக்கு சம்மதமெனில்,
எம்மதமும்
எனக்கு சம்மதம்...!!

அடுத்த தலைப்பு எம்மதமும்

[supernatural]

எம்மதம் என்றாலும்...
என் தேவை ...மதம் அல்ல.
.நான் விரும்பும்...என்னை விரும்பும்..
உன் மனம் மட்டுமே...
அன்பும்..நேசமும்...
மதசார்பற்றது ...

தேவை.

[suthar]

மிதமான அன்பு தேவை என்றதும்
சம்மதம் சொல்லி
இதமாய்,
சதமாய் நீ இருக்க
மதமென்ன மதம்..?
வேதங்கள் பேசி,
பேதம் பார்ப்பவர்கள் காதலை
வதம் செய்ய நினைத்தாலும்
என் நாதம் நீயென
கீதம் பாட
உன்னயே தொடரும்
உன்னவன் பாதம்...!

அடுத்த தலைப்பு பாதம்

[aasaiajiith]

சம்மதம்
இதம்
மதம்
வேதம்
பேதம்
வதம்
வாதம்
கீதம்
பாதம் அப்பப்பா
போதும் போதும்
வார்த்தைகளை சீர்படுத்துவது
சரிதான், என்றபோதும்
கருவினை (பொருள்) மறந்திடும்
திருவே ! தனக்கு நிகர் குருவே !

மல்லியையும்(கரு),அல்லியையும் (பொருள்)
வெட்டவெளியில்,ஆடுமேய விட்டுவிட்டு
கள்ளிக்கு முள்ளில் வெளியிடுகிறாயோ?
தோன்றியதை சொல்லி விட்டேன்
ஏற்பதும் ஏற்காததும் உன் விருப்பம் .

அடுத்த தலைப்பு

உன் விருப்பம்

[Bommi]

வெட்கத்தை விட்டு உன்னிடம் காதலை
சொன்ன போது வெட்கங்கலையே
பதிலாக தருகிறாய் எனக்கு
என் விருப்பத்தை உன்னிடம் சொல்லிவிட்டு
பதிலுகாக காத்திருக்கும் என்னிடம்
உன் விருப்பத்தை தர மறுக்கிறாய்

அடுத்த கவிதை :சொன்ன போது

[aasaiajiith]

வெட்கங்கள் பதிலாக தரப்பட்டதா???
ஆண்மகனிடம் இருந்தா??
"ஆண்கள் வெட்கப்படும் தருணம்
உன்னை பார்த்த பின்பு நான் கண்டு கொண்டேன் "
என்று நா . முத்துகுமார் சொன்ன போது
நம்ப மறுத்தவன் நான்.
இங்ஙனம் ஒப்புகொள்ள மனம்
ஒப்புக்கொள்கிறது ,சொல்வது 
நீ என்பதால் !

அடுத்த தலைப்பு
நீ என்பதால் !