கவிதை விளையாட்டு: தலைப்பை விட்டு செல்

[ஸ்ருதி]

மரணத்தின் வாயலில்
இருக்கும் நிலையிலும்
மரிக்காத நினைவை
உன் நினைவோடு
மரிக்கும் வரத்தை
வேண்டும் என் மனது

துயில்

[aasaiajiith]

துயில் மீள வழி வகை பல உண்டு
இளங்காலை வெயில் பட ஒரு வகை
தன்டாவள ரயில் ஓட  ஒலி கேட்டு மறுவகை
கூவும் குயில் பாட பாடும்மொலி கேட்டு ஒரு  வகை
எனக்கோ ,குயில் பாட .ரயிலோட  ,வெயில் பட வேண்டியதில்லை
எழில் பொங்கும் வரி வரையும் கனிமொழியாள்
உன் மீது நான் கொண்ட மையல் போதும்
துயிலாத துயில் மீள்வதற்கு !

அடுத்த தலைப்பு - கனிமொழியாள்

[Global Angel]

கனி மொழியாள் நான் உனக்கு
தேன் மொழியாள் யார் உனக்கு ....
இன்னும் கார் குழலால்
மெல்லியலாள் .....
நீளும் உன் பட்டியலில்
நித்தம் ஒரு பெண்டிரடா ...
நிந்தனை செய்தாலும் என்
நினைவுகளில் என்றும் நீதானடா ...


நிந்தனை

[aasaiajiith]

என் கவிக்கு, கனி மொழியின் துணை கொண்டு
பதில் கவி புனைவதால் நீ கனிமொழியாள் .
உன் குரல் கேட்டு ,முகம் பார்க்கும் வரம் பெற்றால்
தேன்மொழியாள் ,கார்குழலாள்,மெல்லிடையாள்
இன்னும் பல பட்டம் தரத்தயார்
சிந்தனையில் சிறகடிக்கும் சிட்டுனக்கு
வர்ணனையை வாரி வழங்குவதில் ஏன் நிந்தனை ?

அடுத்த தலைப்பு - சிறகடிக்கும் சிட்டு

[Global Angel]

என் மனக்கதவுகள்
எப்பொழுதெல்லாம் திறக்கின்றதோ
அப்பொழுதெல்லாம்
என் நினைவுகளில்
சிறகடிக்கும் சிட்டு நீ
பட்டென்று பொய் விடுவாய் என
நான் பக்கென்று மூடிகொள்கிறேன்
என் மன கதவுகளை ..

மன கதவு

[aasaiajiith]

மனதிற்கு கதவு போடும் மதிகெட்ட வேலைக்கு
மணிக்கணக்காய் மணியை செலவிடும் மணிமதியே !
உன் மனக்கதவிர்க்கு  எதனால் கதவிட்டிருக்கின்றாய் ?
மரத்தில் தானா ? இல்லை இரும்பிலா ?
சரி, ஒரு சிறு கோரிக்கை உன்னிடம்
உன்கூற்றின்படி மனதிற்கு கதவு உள்ளதென்றாகட்டும்
இனியும் அதனை மனக்கதவு என்றழைக்கவேண்டாம்
இனி  "சொர்கவாசல்" என்று சொல் !

அடுத்த தலைப்பு - சொர்கவாசல்

[ஸ்ருதி]

என் விழிஎன்னும்
சொர்க்கவாசல் கதவு
உனக்காக மூடாமல்
காத்திருக்க
நினைவை மட்டும் தந்துவிட்டு
என்னுள் வராமல் நீ செய்யும்
மாயம் ஏனோ


மாயம் ஏனோ

[Global Angel]

என்னுள் நீ
அறிந்தும் நீ
அறியாததுபோல்
மாயம் ஏனோ ...?

நீ

[aasaiajiith]

என் கண்களுக்கு எட்டாத குருடன் கண்ட கனவு நீ
என் செவிகள் கேட்டிராத செந்தமிழ் தமிழ் தேசிய கீதம் நீ
என் நாசி நுகராத நறுமணம் கமழும் வாசனைதிரவியம் நீ
என் தமிழை வரிகளால் அன்றி வார்த்தை ஓசையால்கேட்காத வானவில் நீ
என் கைகள் தீண்டா தீம் ஸ்பரிசம் நீ
என் கால்கள் உனக்காய் கடுக்க காத்துருக்க கனிவு காத்த கன்னித்தீவு நீ
இருந்தும் - என் கவிதைக்கு மட்டும் கிட்டிய கவின் கவிதை காதலி நீ

அடுத்த தலைப்பு - கவிதைக்காதலி

[Global Angel]

உன்னை நேசித்ததில் இருந்து
நானும் கவிதைகள் எழுத ஆரம்பித்தேன்
கண்ணனின் காதலியாக மட்டும் இன்றி
கவிதையின் காதலியாகவும் இன்று நான்

கவிதைகள்

[aasaiajiith]

உலக மொழிகளின் ஒட்டுமொத்த கவிதைகள்
ஒன்றுகூடியது ஒரு கலந்தாய்விற்காக
ஒப்பறியா உயிர் கவிதை உன் பெருமை போற்றி
உன்னை பெருமை படுத்தும் என் தமிழை போற்றி
ஒற்றுமையுடன் பாராட்டு விழா தொடுப்பதாய்
தீர்மானம் தீர்வானது

அடுத்த தலைப்பு - பாராட்டு விழா

[Global Angel]

போதி தர்மர்
 பூக்கள் எல்லாம் கூடி
பாராட்டு விழா வைத்தது
உன் புன்னகைக்கு
இதுவரை உன்னை போல்
எந்த பூவும் புன்னகை சிந்தவில்லயாம்

புன்னகை

[Karthika]

ஆயிரம் உறவுகள் என்னை சூழ்ந்திருந்த போதும்.,

உன் புன்னகைக்காக ஏங்கும் என் இதயத்தை பார்த்து.,
 
ஏளனமாகவாவது  சிரித்து விட்டு போ.

உறவுகள்

[aasaiajiith]

ஆர்பரிக்கும் அலுவலக அலுவல்கள்
அவசரபடுத்தும் மேலாளர் ஆலோசனைகள்
ஒத்துழைப்பில்லா ஒன்றில் மட்டும்
ஒத்துபோகும் சக ஊழியர்கள்
எண்ணில்லா இன்னல்கள் மத்தியில்
இதயம்  இளைப்பாற இடம் தேடியது
வலம் இடம் ,என்று இடம் தேடி தேடியே
கவி கடந்து சென்ற தடம் கண்டுபிடித்தேன்
தடம் ,F.T.C யின் கவிதை  தளம் வரை தொடர்ந்திட
ஒரு சிலர்,  கவிதை நீர்வீழ்ச்சியில் கால்நனைதேன்
தளத்தில்,வரி படித்தும் பதித்தும் பெற்றேன் புதிய உறவு
புதிய உறவுகள் உன்னதம் என்று உணர்த்திட
கவிதை மழையாய்  கார்த்திகாவின் வரவு
வா வா ! உன் வரவு இந்த கவிதை சோலைக்கு வசந்தம் !
வரவின் வேகத்தில் (கவிதை) உறவும் கிடைத்துவிட்டால்
இரவோடு இரவே தூக்கிட்டுகொள்ளும் துறவு

அடுத்த தலைப்பு - துறவு 

[Global Angel]

உன்னை கண்டதும்
என் ஆசைகள் துறவு கொள்கிறது
உன்னிடம் பகிர்ந்து கொள்ளமுடியாமல்

பகிர்ந்து