கவிதை விளையாட்டு: தலைப்பை விட்டு செல்

[ஸ்ருதி]

கவிதை விளையாட்டு
கவிதையோடு விளையாட்டு
கவிதரும் கவிகளுக்கு
கவியின் வாழ்த்து..
எலோருக்கும் வாய்பதில்லை
இவ்விளையாட்டினை ஆட
சொல்லோடு விளையாடுவோம்
தமிழ்ச் சொல்லை அழகாய்
கையாளுவோம்


சொல்லோடு

[vimal]

வில்லோடு விளையாடும்
வில்லாளனை போல தமிழ்
சொல்லோடு விளையாடும்
கவிதை விளையாட்டுக்கு
கொடிகாட்டிய கவிக்கு
கவியின் சார்பாக வாழ்த்தாம்!!!

அடுத்தத் தலைப்பு "வில்லாளன்"

[Global Angel]

வில்லோடு ஓர் வில்லாளன்
வருவானென்று ஒவொரு பெண்ணும்
காத்திருந்ததால்
இன்று அசோகவனத்தில்
பல மாதவிகள்

மாதவிகள்

[vimal]

வில்லாளன் வருவானென்று
பல அரக்கியர் புடைசூழ
காத்திருந்த மாதவியை,
வந்தும் நொடிப்பொழுதில்
கொன்று விட்டான், தீயில்
விழ பூமாலையாய்
தோன்றினால், வரலாற்றில்
வல்லமை பேசும் அவனும்
இப்படியா!!!

அடுத்தத் தலைப்பு "பூமாலை"

[ஸ்ருதி]

நான் தொடுக்கும்
பூமாலைகள் யாவும்
சூடும் வாய்ப்பு
எனகில்லாமல் போனாலும்
என் கவிதை பூச்சரம்
உனக்காக மட்டுமே
தொடுகிறேன்..
உன் விழிகளுக்கு படைக்காமல்
ஒளித்து வருகிறேன்
நீ என்னை சேரும் நாள் வருகையில்
தனிமையில்
கண்பார்த்து படித்து
உன்னை ரசிக்க வைக்க 

சிந்தனை

[Global Angel]

சிந்தனைகளை சிதரவிட்டால்
சிதறுவது சில்லு சில்லாய்
இதயம்தான் ..
இழப்புகள் இரும்பைபோல் கனக்கும்

சில்லு சில்லாய்

[ஸ்ருதி]

கனக்கும் இதயமதை
சில்லு சில்லாய்
உடைத்தெறிவது
நேசித்த என்னை
நீ ஏற்க மறுப்பது தான்..
ஏக்கம் தோய்ந்த கண்கள்
தேடுவது உன் ஒருவனையே

உடைத்தெறிவது

[vimal]

நீ உடைத்தெறிவது என்
காதலை மட்டுமல்ல, நான்
உன்னை குடிவைத்த என்
இதயத்தையும்தான்!!!

அடுத்தத் தலைப்பு "என் இதயம்"

[ஸ்ருதி]

துடிக்கும் என் இதயம்
துடிக்க மறந்தாலும்
மரித்தே போகும் நாள்
கண்ணெதிரே காட்சியாய்
நின்றாலும்
அப்போதும்
கடைசி பதிவாய்
என்னுள் நிலைகொண்டிருக்கும்
உருவம் நீ மட்டுமே


உருவம் நீ

[vimal]

எத்தனையோ உருவங்களை
நான் காண்கிறேன் தினமும்,
அவையனைத்தும் நிற்ப்பதில்லை
என் மனதில், நின்ற ஒரே உருவம்
நீதான், உருவமாக அல்ல, என்
உயிராக!!!

அடுத்தத் தலைப்பு "என் மனது"

[ஸ்ருதி]

ஆண்டுகள் பல கடந்தாலும்
அழியாத காதலை
அளவில்லாமல் தந்து
அழிக்க முடியாத உருவமாய்
அழகாய் என் மனதில் பதிந்தவனே
ஆசைகள் பல இருப்பினும்
அர்த்தம் புரியாத கோபங்களும்
அத்தனையும் சொல்லிவிட துடிக்கும்
அபலை இவள் மனதை
அறிந்தும் அறியாமல்
அனுதினமும் கொல்லும் நாடகம் ஏனோ

அனுதினமும்

[Bommi]

களவும் கற்று மற என்பது பழமொழி
கற்று மறந்தால் பொருந்தும்
நீயோ என்னை களவாடுகிறாய்
அனுதினமும்.
யாரிடம் சொல்வேன்?

களவாடுகிறாய்

[ஸ்ருதி]

களவாடுகிறாய் என்று அறிந்தே
பறிகொடுத்தேன் என் மனதை
உன்னிடத்தில் தொலைந்து போவதும்
அழகாய் போகிறது எனக்கு மட்டும்

தொலைந்து

[Bommi]

என் கவிதையே
நான் தொலைந்து போன நிமிடங்களில்
நீ வந்தாய்...
என் கவிதையை என்னிடமிருந்து
எடுத்துச்சென்றதும் நீ தானே...!

என்னிடமிருந்து

[Gotham]

என்னை எண்ணிப்பார்க்க
என்னிடமிருந்து என்ன
எடுத்துக் கொள்வது
எண்ணத்தை எண்ண முடிந்தால்
எண்ணாமல் இருப்பதும்
எண்ணிக்கையாகி விடுமோ
எந்தன் எண்ணக் கை 


எண்ணம்