கவிதை விளையாட்டு: தலைப்பை விட்டு செல்

[vimal]

கடவுள் ஜாதிகளை படைக்கவில்லை,
மனிதர்களாகிய நாம்தாம் ஜாதி என்ற
பெயரில் பிரிவினை உருவாக்கினோம்,
கீழ்ஜாதி என்று ஒதுக்கப்படும் பலபேர்
பல துறைகளில் கால்தடம் பதித்துக்
கொண்டுதான் இருக்கிறார்கள், இருப்பது
இருசாதி ஆண்ஜாதி பெண்ஜாதி
என்பதை மட்டும் மனதில் கொண்டு
"ஜாதிகள் இல்லையடி பாப்பா"
என்று பாடிய பாரதியை நினைவு
கூர்வோம்!!!

அடுத்தத் தலைப்பு "கால்தடம்"

[ஸ்ருதி]

எங்கோ ஒரு மூலையில் நீ
நீ விட்டு சென்ற கால் தடமாய்
இதயமது அழைக்க முடியாமல்
துடிக்கும் உன் நினைவுகள்...


சொந்தம்

[vimal]

எங்கிருந்தோ வந்த இவள்
சொந்தம் கொண்டாடுகிறாள்,
சொந்தங்களுக்கெல்லாம்
சொந்தமாய் மாறி,

யாரோ எனை தட்ட நான்
கண்விழித்தேன், கனவில் கூட
எனை விடாமல் துரத்துகிறாள்
என் காதலை உடைத்தெறிந்த
பின்பும்

சொந்தமாய் அல்ல சோகத்தின்
முழ உருவாய்!!!   

அடுத்தத் தலைப்பு "கனவில் கூட"

[ஸ்ருதி]

கனவில் கூட நினைத்ததில்லை
நண்பனை எதிரியாய்..
நட்போடு பழகும் காலத்தில்
நயமாய் பேசி
நம்பிக்கை அளித்து
பிரிந்த பின்  தூற்றும்
நட்பாய்  இருபினும்
அமைதியாய் பார்த்துவருகிறேன்
கோழையாய் அல்ல..
முன்நாள் தோழியாய்..


விருட்சம்

[Gotham]

மாநகராட்சியில் முறையிட
வேண்டும்
அப்பப்பா எத்தனை
ஆக்கிரமிப்புக்கள்...
இத்தனை அட்டூழியங்களையும்
செய்திட எப்படி
மனது வந்ததடி
உனக்கு


விருட்சமாய் வளர்ந்தென்
மனமுழுதும் ஆக்கிரமித்தாய்




கருணைகொண்டு மற்றவர்க்கும்
சிறிது இடம் கொடு


-----------


கருணை

[Varun]

இப்போது  நீ என்னைவெறுத்தாலும்தேடிவரும் காலம்
வெகு தொலைவிலில்லைஅப்போது
என் மடை தாண்டிய கண்ணீர்தரை சேரும் முன்னே
உன் கைகொண்டு தாங்கிடுவாய் பெண்ணே
காலம் கடந்த கருணை பயனற்றுப் போயிற்று
விதி அரங்கேற்றியதை அறியாமல் 
நீ தேடிவந்த காதலைநானின்று தொலைத்து நிற்கிறேன்


நீ தேடிவந்த 

[Gotham]

நீ தேடி வந்த தருணம்
எங்கோ ஒளிந்திருக்கும்
மனக்குரங்குகளின்
சுயரூபங்கள் வெளிப்படும் நேரம்


விட்டுவிலகிட முயன்று
தோற்று என்னுள்ளே ஒளிந்து
ஊரை ஏமாற்றிக் கொண்டிருக்கும்
கொடிய சாத்தானின்
தரிசனம் கிடைத்திடும் நேரம்


கண்டுக்கொண்டாயா என்னை
இரவின் நிசப்தத்தின்
அகண்ட வெளியில் ஆகாச
மார்க்கமாய் செல்லும்
ஓர் ஆவியில்..
---------------------------------


தருணம்

[ஸ்ருதி]

பொய்மையும் வெல்லும் தருணம்
தோல்விகள் பல கண்டாலும்
துவண்டே போய்விடினும்
நம்பிக்கை கை உடைந்து
ஊனமாகி வலுவிழந்து போனாலும்
மௌனம் காத்து
பார்த்துவருகிறேன்
கண் முன் நடக்கும் கேலிக் கூத்தை


மௌனம்

[Gotham]

தேக்கி வைத்த நீர்த்துளிகள்
கரைபுரண்டு காட்டாறு
வெள்ளமாய்
வெறித்தனமாய் மேலிருந்து
கீழாய் வெகுண்டு ஓடும்
ஓவென இரைச்சலோடு
பள்ளத்தாக்கினில் வீழும்
போது உடைபடும்
அந்நேரத்திய மௌனம்


-----------------
வெள்ளம்

[vimal]

வெள்ளமாய் கரைபுரண்டு ஓடிய
என் காதலில் முழுவதும் மூழ்கி
விட்டேன் நீச்சல் தெரியாமல்,
திக்கு முக்காடி பின் கரையை
கடந்தேன், இருந்தும் மூழ்கி
விட்டேன்  என் கண்ணீர் வெள்ளத்தில்!!!

அடுத்தத் தலைப்பு "திக்குமுக்காடி"

[Gotham]

திக்குத் தெரியாமல்
நானும்
திக்குமுக்காடித் தான்
போனேன்


சிக்கித் தவித்த
மனதிற்கும் தெரியவில்லை
புத்தி பேதலித்ததாய்
அறிவும் அறியவில்லை


காலமெனும் சுழலில்
வாழ்க்கையின் ஓட்டத்தில்
திக்குமுக்காடித் தான்
போனேன்


----------------
ஓட்டம்

[vimal]

காலச் சக்கரம் சுழல, ஓட்டத்தில்
சுழன்றோடிக்கொண்டுதான் இருக்கிறேன்
நானும் வாழ்வின் அர்த்தம் புரியாமல்
புரிந்துகொள்ளும் பொருட்டு,
பின்பாவது நிறுத்தலாம் என்று
சுழல்வதை அல்ல என் அறியாமையை !!!

அடுத்தத் தலைப்பு "அறியாமை"

[Gotham]

அறிந்ததால் எத்தனை எத்தனை
துன்பங்கள்
பழம் கடித்தான் ஆதாம்
அன்றிலிருந்து அறிவும்
விஞ்ஞானமும் வளர வளர
மனிதம் கொண்ட மதங்ளும்
மனம் கொண்ட மதமும்
பல்கிபெருகி ஆறாய்
ஒடுகின்றன...


அறியாமையும் ஒருவித
சுகம்தானோ
-------------------


மனிதம்

[Bommi]

மனதில் மனிதம் எனும்
மரம் நடுவோம்
இனி வருங்காலதிலாவது
மனிதம் வளரட்டும்
ஆல் போல் தழைத்து
அருகு போல் வேரோடி
பனை போல பயன் தரட்டும்

நடுவோம்

[Gotham]

தீராத துன்பங்கள் தீர
தீவினை செய்யா திரு ஓம்
வேண்டாத விளையாட்டு
விட்டு விலகிடு ஓம்


பாயாத நீர்தனை நீ
அடர்மழையால் கொணர்ந்திடு ஓம்
செம்மையாய் தமிழகம் வாழ
ஆளுக்கொரு மரம்நடு ஓம்..!! 


-----------------------


விளையாட்டு