உருளைக்கிழங்கு அல்வா
தேவையானவை: தோல் சீவி பெரிதாக நறுக்கிய உருளைக்கிழங்கு – ஒரு கப், சர்க்கரை – ஒன்றரை கப், நெய், பால் – அரை கப், ஜவ்வரிசி பவுடர் – ஒரு டேபிள்ஸ்பூன், மில்க் மெய்டு – கால் கப், ஏலக்காய்த்தூள் – கால் டீஸ்பூன், கேசரி கலர் பவுடர் – ஒரு சிட்டிகை, பொடியாக நறுக்கிய பாதாம், முந்திரித் துண்டுகள் – சிறிதளவு.
செய்முறை: உருளைக்கிழங்கை குக்கரில் வேக வைத்துக் கொள்ளவும். ஜவ்வரிசி பவுடரை பாலில் கரைத்துக் கொள்ளவும். அடி கனமான கடாயில் நெய் ஊற்றி, அதில் வேக வைத்த உருளைக்கிழங்கை நன்றாக மசித்து சேர்க்கவும். லேசாக வதங்கியதும், பாலில் கரைத்து வைத்துள்ள ஜவ்வரிசி பவுடரை சேர்த்து நன்றாகக் கிளறவும். பிறகு தீயைக் குறைத்து சர்க்கரை, கேசரி கலர் பவுடரை சேர்க்கவும். உருளைக்கிழங்கை பச்சை வாசனை போகும்வரை கிளறி, மில்க் மெய்டு சேர்த்து, கடாயில் ஒட்டாத பதத்துக்கு வந்ததும் இறக்கவும். ஏலக்காய்த்தூள் சேர்த்து, பாதாம், முந்திரிப் பருப்புத் துண்டுகளால் அலங்கரிக்கவும்.
