கவிதை விளையாட்டு: தலைப்பை விட்டு செல்

[Varun]

விடைதெரியாமல் போன என் வாழ்க்கைக்கு,
காதலை தந்து விடைகொடுத்தாய்..!
கண்ணீரில் கரைந்த என் இரவுகள்
கனவுகளில் நனைகிறது..!
விழியில் நனைந்த என் விடியல்கள்
அழகாகவே விடிகிறது..!
அன்பே.உன்னாலே உன்னாலே..!
வாழ்வின் அர்த்தம் தேடித்தந்தவளே,
உன்னை மறப்பேனோ..
மறந்தாலும் இருப்பேனோ..!


கண்ணீரில்

[Bommi]

அன்பே உன் நினைவுகள்
என் கண்ணீரில் இன்றும்
படகாய் பயணிக்கிறது
நான் என்ன செய்ய......
இப்படிக்கு........அன்பானவள்


படகாய்

[Varun]

கடலாய் உன் ஞாபகம்.. அதில் தத்தளிக்கும்
படகாய் மிதக்கிறேன்
உன்னுள் இன்னும் மூழ்க முடியாமல்.

உன் ஞாபகம்

[vimal]

தமிழ் நாட்டிற்க்கு தண்ணீர்
தரமாட்டேன் என்று கேரளா
சிறு பிள்ளையாய் அடம் பிடிக்கிறது,
மறந்து விட்டார்கள் போல,
உன் ஞாபகம் எனை பிடித்த
ஏவலாய் பின் தொடர்ந்து அட்சய
பாத்திரமாய் தமிழ்நாட்டில்
நானிருப்பதை!!!

அடுத்தத் தலைப்பு "ஏவல்"

[Bommi]

காதல்,ஏவல்,உடல்
பாடல்,ஊடல்,கூடல்
மோதல் எல்லாம் கானல்...
ஆனால்
நட்பு மட்டும்...!!

கானல்

[Varun]

பாலைவனப்பயணம் ஒன்று மேற்கொண்டேன்
அங்கு நீ கானல் நீராய் இருப்பது கண்டு ...
பயணத்தின் போது எனக்கு தெரியாது
 கானல் நீரும் காணாமல் போகும் என்று ...


காணாமல்

[Bommi]

கண்களில் ஆரம்பித்த காதல்
காலமெல்லாம் இருந்தது -
கம்ப்யூட்டரில் ஆரம்பித்த பாசம் -
காணாமல் போனது நேசம்

கண்களில்

[Varun]

உன் கண்களில் தெரியும் என் பிம்பம் என்னைச்
சந்திக்கும் கண்களில்எல்லாம் தேடுகிறேன்
எனது பிம்பத்தை.

தேடுகிறேன்

[Bommi]

தேடுகிறேன் நான் உன்னை!
என் பயணம் பகலில் இருந்து இரவுகளுக்குள் நீழுகிறது
யாரும் உனக்கு என்னை ஞாபகப்படுத்த கூடாதென
தினமும் ஞாபகமாய் வேண்டிக்கொள்கிறேன்

தினமும்

[Varun]

தினமும் உன் ஞாபகம்
நீ இல்லாமல் வாழ்நாள் முழுக்க என்னால்
ஆந்த வேதனையை அனுபவிக்க முடியாது

நீ இல்லாமல்

[Bommi]

நீ இல்லாமல்
வாழத்தெரியாத எனக்கு....
நீ இருந்தும் இல்லாமல்
வாழ்ந்துகொண்டிருக்கிறேன்...
தினமும்

வாழ்ந்து

[Varun]

என் காதல் வாழ்ந்து வாழும் உன்னோடு மட்டும்"
என்னவோ தெரியவில்லை இப்பொழுத்தெல்லாம்
 நான் சொல்லும் விஷயத்தை கேட்க மறுக்கிறது
 என் இதயம் எல்லாம் காதல் செய்த மாயம் !!!

[vimal]

விதை விதைத்து நீரூற்றி என்ன
பயன், நிழல் தரும் என்றா,
என்றாவது ஒருநாள் நறுக்கத்தான்
படுகின்றன, விதைப்பதை விட
நடுவோம் மரங்களை அல்ல
நம் மனதில் அன்பு எனும்
மகத்துவத்தை!!!

அடுத்தத் தலைப்பு "அன்பு"

[Global Angel]

தேடுகின்றேன்
எங்கிருக்கிறாய்
எதுவாய் இருக்கிறாய்
எப்படி இருக்கிறாய்
எப்பொழுது வருவாய்
என்னவாய் இருகிறாய்
அன்பு எனும் உருவமாய்
அண்டமெல்லாம் இருப்பதை சொல்லாதே
அன்பு என்பதே ஆலகால விஷம்
அழித்துவிடும் அகிலத்தையே

அண்டமெல்லாம்

[vimal]

அறுசுவை கூடும் ஆனந்த வாழ்வின்
நந்த வனமாக கிராமங்கள்!
கிணற்றுக்குள் தவளையாக மிதந்த
கதையை மறக்க முடியுமா!
குளத்து மீனின் சுவையைதான்
மீஞ்ச முடியுமா!
கருவேலங்காட்டில் சுள்ளி பொறுக்கிய
நாட்கள்தான் திரும்புமா!
எண்ணிலடங்காதவைகள் இன்னும் பல!
அண்டமெல்லாம் தேடினாலும்
கிடைக்காத இவையனைத்தும் இன்று
மட்டுமல்ல என்றும் இலவசம்தான்
கிராமங்களில்!!!

அடுத்தத் தலைப்பு "இலவசம்"