மலைமகள் தன் மடிதவழவேண்டியவள்
மண்ணிலா என மனம் கசிந்து வடித்திடும்
கண்ணீர் குவியல்கள்
- அருவி -
உன்னோடு ஒப்பிடப்படவேண்டி மலைமகள்
கனகாலமாய் எடுத்துக்கொண்டிருக்கும்
குளியலின் சிதறல்கள்
- அருவி -
குளித்து முடித்ததும் கொண்டை அவிழ்த்து
வெயிலினில் உலர்ந்திட விட்டிருக்கும்
மலைமகளின் தண்ணீர் கூந்தலோ ??
- அருவி -
வசீகரிக்கும் வரிகளால் உன்னை, வசம் வைத்திருக்கும்
எனக்கு போட்டியாய்,மலைமகள்
அனுப்பும் தண்ணீர் கவிதைகள்
- அருவி -
