ஹாய் RJ வணக்கம்,
ரொம்ப நாள் கழிச்சு இசைத்தென்றல் நிகழ்ச்சியில இடம் பிடிச்சது மகிழ்ச்சி. சென்ற வார நிகழ்ச்சியை RJ மண்டகசாயம் ரொம்ப சிறப்பா தொகுத்து வழங்கியிருந்தாரு DJ தேஜஸ்வி அட்டகாசமா எடிட் பண்ணிருந்தாங்க. இருவருக்கும் வாழ்த்துகள்.
இந்த வாரம் நான் கேட்க விரும்பும் பாடல் புதிய மன்னர்கள்திரைப்படத்தில் இருந்துவானில் ஏணி போட்டு என்கிற பாடல்
திரைப்படம்: புதிய மன்னர்கள்
பாடல்: வானில் ஏணி போட்டு
பாடகர்: மனோ
இசையமைப்பாளர்: ஏ.ஆர்.ரஹ்மான்
பாடலாசிரியர்: பழனி பாரதி
சமீபத்தில் சாய் வித் சித்ராவின் நேர்காணலில் காமெடி நடிகர் லஷ்மணன் இந்த பாடலின் கோரஸ் பற்றி குறிப்பிட்ட பிறகு தான் நீண்ட நாட்கள் கழித்து இந்த பாடலை மீண்டும் கேட்க வாய்ப்பு அமைந்தது. லஷ்மணன் குறிப்பிட்ட சம்பவமும் சுவராசியமான சம்பவம்.
வெஸ்டர்னும் கிளாசிக்கலும் கலவையாக கொடுப்பத்தில் ரஹ்மானுக்கு இணை அவரே தான். சாக்ஸாபோன் ஒலிக்கும் முதல் interlude ஆகட்டும் அல்லது நாதஸ்வரமும் சாக்ஸாபோனும் மாறி மாறி ஒலிக்கும் இரண்டாவது interlude ஆகட்டும், மொத்தமாக instruments arrangements அட்டகாசமாக அமைந்த பாடல் இது.
இந்த திரைப்படத்தில் 'நீ கட்டும் சேலை' பாடல் தான் பலரும் அறிந்தது என்றாலும், இந்த பாடலும் சரி 'எடுடா அந்த சூரிய மேளம்' பாடலும் தவற விட கூடாத பாடல்கள்.
பாடலை இசை ரசிகர்கள் அனைவருக்காகவும் விரும்பி கேட்கிறேன்.
