~ ரம்ஜான் ஸ்பெஷல்: சிக்கன் மலாய் டிக்கா ~

[MysteRy]

ரம்ஜான் ஸ்பெஷல்: சிக்கன் மலாய் டிக்கா



தேவையான பொருட்கள் :

எலும்பில்லாத சிக்கன் – அரை கிலோ
வெண்ணெய் – 3 டேபிள் ஸ்பூன்
மலாய் க்ரீம்(Malai Cream) – 1 டேபிள் ஸ்பூன்
தயிர் – 2 டேபிள் ஸ்பூன்
பச்சை ஏலக்காய் – 3
இஞ்சி பூண்டு பேஸ்ட் – 1 டேபிள் ஸ்பூன்
சீரகப் பொடி – 1 டீஸ்பூன்
பச்சை மிளகாய் – 3 (பொடியாக நறுக்கியது)
எலுமிச்சை சாறு – 1 டேபிள் ஸ்பூன்
எண்ணெய் – 3 டேபிள் ஸ்பூன்
உப்பு – தேவையான அளவு
துருவிய சீஸ் – 3 டேபிள் ஸ்பூன்

செய்முறை:

* சிக்கனை நன்கு சுத்தமாக கழுவி நீரை வடித்து வைத்துக் கொள்ள வேண்டும்.
* சிக்கனில் எலுமிச்சை சாறு மற்றும் உப்பு சேர்த்து பிரட்டி மூடி அரை மணி நேரம் ஊற வைக்க வேண்டும்.
* மிக்ஸியில் தயிர், இஞ்சி பூண்டு பேஸ்ட், பாதி வெண்ணெய், க்ரீம், சீரகப் பொடி, ஏலக்காய், பச்சை மிளகாய், சீஸ் ஆகியவற்றை போட்டு நன்கு மென்மையாக அடித்துக் கொள்ள வேண்டும்.
* பின்னர் அந்த பேஸ்ட்டை சிக்கனுடன் சேர்த்து பிரட்டி 1 மணிநேரம் ஊற வைக்க வேண்டும்.
* பிறகு அடுப்பை பற்ற வைத்து, க்ரில் கம்பியில் சிக்கன் துண்டுகளை சொருகி, நெருப்பில் காட்டி சுட்டு எடுக்க வேண்டும்.
* அப்படி சுடும் போது வெண்ணெயை அவ்வப்போது தடவி சுட வேண்டும்.
* இப்படி அனைத்து சிக்கன் துண்டுகளையும் சுட்டு எடுத்தால், சிக்கன் மலாய் டிக்கா ரெடி!!!