~ ஈத் ஸ்பெஷல்: மிட்டா கானா ~

[MysteRy]

ஈத் ஸ்பெஷல்: மிட்டா கானா



தேவையான பொருட்கள் :

பாசுமதி அரிசி – கால் கப்
கேசரிகலர் மஞ்சள் (அ) சிவப்பு
உப்பு – அரை சிட்டிகை
இனிப்பில்லாத கோவா – ஒரு மேசை கரண்டி
சர்க்கரை – அரை கப்
நெய் – இரண்டு மேசை கரண்டி

தாளிக்க :

பட்டை – சிறிய துண்டு
முந்திரி – ஆறு
திராட்சை – ஆறு

செய்முறை :

* முதலில் அரிசியை களைந்து 10 நிமிடம் ஊற வைக்கவும்.
* ஒரு வாயகன்ற சட்டியில் தண்ணீர் கொதிக்க வைத்து அரிசியை போட்டு சாதம் வடிப்பது போல் உதிரியாக வடிக்கவும் .(தண்ணீர் கொதித்து அரிசி தட்டியதும் அதில் கலர் பொடி + உப்பு சேர்த்து கொதிக்க விட்டு வடிக்கவும்.)
* கடாயை அடுப்பில் வைத்து சூடானதும் நெய் ஊற்றி திராட்சை,
முந்திரியை வறுத்து தனியாக வைக்கவும்.
* பின் அதில் பட்டை தாளித்து வடித்த சாதத்தை கொட்டி கிளறி சர்க்கரை சேர்த்து சாதம் உடையாமல் கிளறவும்.
* சர்க்கரை கரையும் போது கோவாவை சேர்த்து அனைத்து ஒன்றாக சேர்த்து வரும் போது நன்றாக கிளறி வறுத்து வைத்துள்ள திராட்சை, முந்திரியை சேர்த்து கிளறி இறக்கவும்.
* சுவையான மிட்டா கானா ரெடி.