~ திரட்டிப் பால் ~

[MysteRy]

திரட்டிப் பால்



தேவையான பொருட்கள்:

கன்டென்ஸ்டு மில்க் – 1 டின் (200 கிராம்)
பால் – 1 டேபிள் ஸ்பூன்
கெட்டியான ஆடைத்தயிர் – 1 டேபிள் ஸ்பூன்
நெய் – 1 டீஸ்பூன்
குங்குமப்பூ – 1/4 டீஸ்பூன்
ஏலக்காய் பொடி – 1/4 டீஸ்பூன்

செய்முறை:

கன்டென்ஸ்டு மில்க்கை ஒரு கண்ணாடிப் பாத்திரத்தில் ஊற்றி மைக்ரோ மோடில் ஹைபவரில் 3 நிமிடங்கள் சூடாக்கவும்.
வெளியே எடுத்து பாலில் கரைத்த குங்குமப்பூவை சேர்த்து கலந்து, மீடியம் ஹைபவரில் 2 நிமிடங்கள் வைக்கவும்.
கெட்டித்தயிர், நெய், ஏலப்பொடி எல்லாம் சேர்த்து நன்றாகக் கலந்து ஹைபவரில் 3 நிமிடங்கள் வைக்கவும். எடுத்து நன்றாகத் திரிந்து இருக்கிறதா என்று பார்க்கவும். அப்படி இருந்தால் தயாராகிவிட்டது. இல்லையென்றால் மேலும் 2 அல்லது 3 நிமிடங்கள் வைக்கவும்.
கெட்டித்தயிர் வேண்டுமானால், தயிரை ஒரு மெல்லிய மஸ்லின் துணியில் கட்டி இரண்டிலிருந்து மூன்று மணி நேரம் தண்ணீர் முழுவதும் வடியும்படி தொங்க விடவும்.
கன்டென்ஸ்டு மில்க்குக்குப் பதிலாக இனிப்பில்லாத கோவாவை (பால் திட ரூபத்தில்) உபயோகிக்கலாம். திரட்டிப்பாலின் தன்மையை அதிகரிக்க நெய்யும், நிறத்தை அதிகரிக்க குங்குமப்பூவும், சுவையையும், மணத்தையும் அதிகரிக்க ஏலப்பொடியும் உதவுகிறது. எனினும் இவற்றைச் சேர்ப்பது அவரவர் விருப்பத்தைப் பொறுத்தது.