~ குழந்தைகளுக்கு விருப்பமான ஓமப்பொடி ~

[MysteRy]

குழந்தைகளுக்கு விருப்பமான ஓமப்பொடி



தேவையான பொருட்கள் :

கடலை மாவு – 1 கப்
அரிசி மாவு – 1/4 கப்
ஓமம் – 1 டேபிள் ஸ்பூன்
வெண்ணெய் – 1 டேபிள் ஸ்பூன்
சூடான எண்ணெய் – 1 டேபிள் ஸ்பூன்
பெருங்காயம் – 1/2 டீஸ்பூன்
உப்பு – தேவையான அளவு
கறிவேப்பிலை – ஒரு கையளவு
எண்ணெய் – பொரிப்பதற்கு தேவையான அளவு
தண்ணீர் – தேவையான அளவு

செய்முறை :

* ஓமத்தை மிக்ஸியில் போட்டு சிறிது தண்ணீர் சேர்த்து அரைத்துக் அந்த தண்ணீரை வடிகட்டி கொள்ளவும்.
* ஒரு பௌலில் கடலை மாவு, அரிசி மாவு, உப்பு, வெண்ணெய், சூடான எண்ணெய், பெருங்காயத் தூள், ஓமம் வடிகட்டிய தண்ணீர் சேர்த்து நன்றாக பிசையவும். முறுக்கு பதத்திற்கு பிசைந்து கொள்ளவும்.
* ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி சூடேற்ற வேண்டும்.
* எண்ணெய் சூடானதும், சிறு துளையுள்ள முறுக்கு அச்சியில் மாவை போட்டு எண்ணெயில் நேரடியாக பிழிய வேண்டும்.
* ஓமப்பொடி பொன்னிறமாக பொரித்து வந்ததும் தனியாக ஒரு தட்டில் வைத்துக் கொள்ளவும்.
* இதுப்போன்று அனைத்து மாவையும் பொரித்து எடுத்துக் கொள்ள வேண்டும்.
* இறுதியில் கறிவேப்பிலையை அந்த எண்ணெயில் போட்டு பொரித்து, ஓமப்பொடியுடன் சேர்த்து, கையால் உதிர்த்துவிட்டால், ஓமப்பொடி ரெடி!!!