~ முருங்கை பூ சூப் செய்வது எப்படி ~

[MysteRy]

முருங்கை பூ சூப் செய்வது எப்படி



தேவையான பொருட்கள் :

முருங்கை பூ – 2 கைப்பிடி
புளி – சிறிய எலுமிச்சை பழ அளவு
தக்காளி – 1
ரசப்பொடி – 2 தேக்கரண்டி
வேகவைத்த துவரம் பருப்பு – 2 தேக்கரண்டி( சிறதளவு நீரில் கரைத்து கொள்ளவும்)
உப்பு – சுவைக்கு

தாளிக்க :

மிளகு – 1 தேக்கரண்டி ( தூளாக்கவும்)
சீரகம் – அரை தேக்கரண்டி
நெய் – 1 தேக்கரண்டி

செய்முறை :

* தக்காளியை பொடியாக நறுக்கி கொள்ளவும்.
* புளியை சிறிதளவு நீரில் கரைத்து அத்துடன் முருங்கை பூ, தக்காளி, ரசப்பொடி கலந்து நன்கு கொதிக்க வையுங்கள்.
* அடுத்து அதில் பருப்பு கரைசல், உப்பு சேர்த்து 5 நிமிடம் கொதிக்க வைக்கவும்.
* கடாயை அடுப்பில் வைத்து சூடானதும் தாளிக்க வேண்டிய பொருட்களையும் சேர்த்து தாளித்து சூப்பில் சேருங்கள்.
* இதை சாதத்துடன் கலந்து சாப்பிடலாம். சூப்பாகவும் பருகலாம். சளி, இருமலுக்கு சுவையான மருந்து இது.