~ பூண்டு - மிளகுக் குழம்பு: ~

[MysteRy]

பூண்டு - மிளகுக் குழம்பு:



சளி தொல்லை இருப்பவர்கள் இதை வாரம் இருமுறை செய்து சாப்பிடலாம்.

தேவையான பொருட்கள்:

உரித்த பூண்டு - ஒரு கிண்ணம்,
தனியா - 3 டேபிள் ஸ்பூன்,
மிளகு - 2 டேபிள்ஸ்பூன்,
காய்ந்த மிளகாய் - 4,
உளுத்தம் பருப்பு, சீரகம் - தலா 2 டீஸ்பூன்,
கடலைப்பருப்பு - ஒரு டீஸ்பூன்,
கறிவேப்பிலை - ஒரு கைப்பிடி,
புளி - சிறிய உருண்டை,
உப்பு - தேவையான அளவு,
நல்லெண்ணெய் - ஒரு டேபிள்ஸ்பூன்,
கடுகு - அரை டீஸ்பூன்.

செய்முறை:

• புளியை கரைத்து கொள்ளவும்.

• கடாயில் தனியா, மிளகு, காய்ந்த மிளகாய், உளுத்தம்பருப்பு, கடலைப்பருப்பு ஆகியவற்றை சிவக்க வறுத்து ஆறிய பின்னர் மிக்ஸியில் பொடிக்கவும்.

• சீரகம், கறிவேப்பிலையைப் பச்சையாக அரைத்துக்கொள்ளவும்.

• கரைத்த புளித்தண்ணீரில் கறிவேப்பிலை விழுது, வறுத்து அரைத்த பொடி, உப்பையும் போட்டுக் கட்டி இல்லாமல் கரைத்து வைத்துக்கொள்ளவும்.

• கடாயில் அரை ஸ்பூன் எண்ணெய் விட்டு உரித்த பூண்டு சேர்த்து, லேசாகச் சிவக்கும் வரை வதக்கவும்.

• அடுத்து அதில் புளிக்கரைசலைச் சேர்த்து, நன்றாகக் கொதிக்கவிடவும். கெட்டியானதும் இறக்கவும்.

• மீதம் உள்ள எண்ணெயில் கடுகு, கறிவேப்பிலை தாளித்துச் சேர்க்கவும்.

• சுவையான சத்தான பூண்டு - மிளகுக்குழம்பு ரெடி.