~ கரட் பொரியல் ~

[MysteRy]

கரட் பொரியல்



தேவையான பொருள்கள்

கரட் – 1/4kg

உப்பு – 1/2tsp

தாளிக்கப்பதற்கு

எண்ணெய் – 2 tsp

கடுகு – 1/2 tsp

சீரகம் – 1/2 tsp

காய்ந்த மிளகாய் – 2

உளுத்தம் பருப்பு – 1/2 tsp

கடலைப்பருப்பு – 1 tsp

வெங்காயம் – 1/2 துண்டு

கறிவேப்பிலை – சிறிது

பச்சை மிளகாய் – 1

கொத்தமல்லி – சிறிது

தேங்காய் துருவல் – 3 tsp

செய்முறை

முதலில் கடலைப்பருப்பை ஊற வைக்கவும்.

கரட்டை பொடியாக நறுக்கி 1/2 கப் தண்ணீர் ஊற்றி வேக விடவும்.தேவையான உப்பு சேர்த்து கலந்துவிட்டு மூடிபோட்டு வேகவிடவும். வெந்ததும் அதிலேயே தண்ணீரை சுண்ட விட்டு இறக்கவும். தண்ணீரை வடித்தால் அதில் உள்ள சத்து போய் விடும்.

ஒரு கடாயை அடுப்பில் வைத்து அதில் எண்ணெய் விட்டு கடுகு, காய்ந்த மிளகாய், உளுத்தம் பருப்பு, ஊறிய கடலை பருப்பு போட்டு தாளித்து அரை வெங்காயத்தை பொடியாக அரிந்து போட்டு கறிவேப்பிலை சேர்த்து நன்கு வதக்க வேண்டும்.

பிறகு வேக வைத்துள்ள கரட், பச்சை மிளகாய் பொடியாக நறுக்கி போட்டு, தேங்காய் துருவலும் சேர்த்து இரண்டு நிமிடம் வதக்கி கொத்தமல்லி தழை தூவி இறக்கவும்.

சுவையானா கரட் பொரியல் தயார் .