~ ராஜஸ்தான்- ராஜ்மா ரொட்டி ~

[MysteRy]

ராஜஸ்தான்- ராஜ்மா ரொட்டி



மைதா – 2 கப்
நெய் – ஒரு தேக்கரண்டி
ராஜ்மா – ஒரு கப்
பூண்டு – 6 பல்
பெரிய வெங்காயம் – ஒன்று
வெண்ணெய் – ஒரு தேக்கரண்டி
சில்லி கார்லிக் சாஸ் – 2 தேக்கரண்டி
உப்பு – தேவையான அளவு

ஒரு பாத்திரத்தில் ராஜ்மாவை போட்டு மூழ்கும் அளவு தண்ணீர் ஊற்றி பத்து மணிநேரம் ஊற வைக்கவும்.
குக்கரில் ஊறிய ராஜ்மாவுடன் உப்பு சேர்த்து வேக வைத்து எடுத்துக் கொள்ளவும்.
பூண்டு, வெங்காயத்தைப் பொடியாக நறுக்கிக் கொள்ளவும்.
வேக வைத்த ராஜ்மா ஆறியதும் கைகளாலேயே ஒன்றிரண்டாக மசித்து வைக்கவும்.
மைதா மாவுடன் உப்பு, நெய் சேர்த்து சப்பாத்தி மாவு பதத்தில் நன்கு பிசைந்துக் கொள்ளவும்.
வாணலியில் வெண்ணெய் போட்டு உருகியதும் பொடியாக நறுக்கிய வெங்காயம், பூண்டு போட்டு வதக்கவும்.
வெங்காயம், பூண்டு வதங்கியதும் மசித்த ராஜ்மா, சாஸ் மற்றும் உப்பு சேர்த்து கிளறி இறக்கவும்.
மாவை சிறிது சிறிதாக எடுத்து மெல்லிய சப்பாத்திகளாக தேய்த்து அதனுள் ராஜ்மா பூரணத்தை வைத்து சோமாஸ் போல அரை வட்டமாக மடிக்கவும்.
தோசைக்கல்லில் எண்ணெய் விட்டு ஒவ்வொரு ரொட்டியாக போட்டு சுட்டு எடுக்கவும்.
சுவையான ராஜ்மா ரொட்டி தயார்.