~ கொள்ளு உருண்டை குழம்பு ~

[MysteRy]

கொள்ளு உருண்டை குழம்பு



தேவையானவை:

கொள்ளு – 1 கப்
மிளகாய் வற்றல் – 5
சின்ன வெங்காயம் – 5
பெரிய வெங்காயம் – 2
தக்காளி – 2
புளி – ஒருஎலுமிச்சை அளவு
சாம்பார் பொடி – 1 மேசைக்கரண்டி
உப்பு, எண்ணெய் – தேவையான அளவு
கொத்தமல்லி தழை – சிறிதளவு

அரைக்க:

தேங்காய் துருவல் – 1/4 கப்
தனியா – 1 மேசைக்கரண்டி
கடலைபருப்பு – 1 மேசைக்கரண்டி
வெந்தயம் – 1/2தேக்கரண்டி

தாளிக்க:

கடுகு – 1 தேக்கரண்டி
வெந்தயம் –  1/2 தேக்கரண்டி
கறிவேப்பிலை –  ஒரு கொத்து

செய்முறை:

• வெங்காயம், கொத்தமல்லி, தக்காளியை பொடியாக நறுக்கி கொள்ளவும்.
• கொள்ளுவை வறுத்து ஒரு மணி நேரம் ஊறவைக்கவேண்டும்.
• ஊறவைத்த கொள்ளு, மிளகாய் வற்றல், சின்ன வெங்காயம் சிறிது உப்பு எல்லாவற்றையும் நைசாக அரைத்து சிறு சிறு உருண்டைகளாக்கி இட்லி தட்டில் வைத்து ஆவியில் 15 நிமிடம் வேக வைத்து எடுக்கவேண்டும்.
• அரைக்கக் கொடுத்துள்ளவைகளை சிறிது எண்ணெயில் வறுத்து விழுதாக அரைத்துக்கொள்ளவேண்டும்.
• வாணலியில் எண்ணெய் ஊற்றி தாளிக்க வேண்டியவைகளை தாளித்து பொடியாக நறுக்கிய வெங்காயத்தை சேர்த்து பொன்னிறமாக வதக்கவும். அடுத்து அதில் தக்காளி சேர்த்து வதக்கி அதனுடன் புளித்தண்ணீர், தேவையான உப்பு, சாம்பார் பொடி, சிறிது தண்ணீர், அரைத்த விழுது சேர்த்து கொதிக்க வைக்கவேண்டும்.
• நன்கு கொதித்தவுடன் ஆவியில் வைத்த கொள்ளு உருண்டைகளை சேர்த்து மிதமான தீயில் சிறிது கொதித்தவுடன் கொத்தமல்லி தழை துவி இறக்கவேண்டும்.
• கொள்ளு உருண்டை குழம்பை சாதத்தோடு பிசைந்து சாப்பிடலாம்