~ கேரட் பனானா கேக் ~

[MysteRy]

கேரட் பனானா கேக்



தேவையான பொருட்கள்

மைதா மாவு – 200 கிராம்
முட்டை – 4ப்ரவுன்
சுகர் – 200 கிராம்
வெண்ணெய் – 200 கிராம்
வாழைப்பழம் – 2
துருவிய கேரட் – 200 கிராம்
பேக்கிங் பவுடர் – 2 தேக்கரண்டி
சமையல் சோடா – ஒரு தேக்கரண்டி
துருவிய ஜாதிக்காய் பொடி – ஒரு சிட்டிகை
உப்பு – ஒரு சிட்டிகை

செய்முறை:

1.சர்க்கரையைப் பொடித்துக் கொள்ளவும். மைதா மாவுடன் பேக்கிங் பவுடர் மற்றும் சமையல் சோடா சேர்த்து 3 முறை சலித்து வைக்கவும். கேரட்டை துருவிக் கொள்ளவும். வாழைப்பழத்தை மிக்ஸியில் போட்டு அடித்து கூழாக்கி எடுத்து வைக்கவும். ஒரு கோப்பையில் வெண்ணெய் மற்றும் பொடித்த சர்க்கரையைச் சேர்த்து கைவிடாமல் ஒரே திசையில் கலக்கவும்.
2.கலவை நன்கு சாஃப்ட்டானதும் முட்டையை உடைத்து ஊற்றி, மீண்டும் ஒரே திசையில் கலக்கவும்.
3.பிறகு மைதா மாவுக் கலவையை சிறிது சிறிதாகத் தூவி ஒரு மரக்கரண்டி அல்லது ஸ்பேட்சுலா (Spatula) கொண்டு மெதுவாக ஒரே திசையில் கலக்கவும்.
4.மாவு முழுவதையும் சிறிது சிறிதாகத் தூவி பொறுமையாகக் கலந்துவிடவும். அத்துடன் ஜாதிக்காய் பொடியையும் சேர்த்து கலக்கவும்.
5.பிறகு துருவிய கேரட் மற்றும் வாழைப்பழக் கூழ் சேர்த்து கலக்கவும்.
6.இக்கலவையை வெண்ணெய் தடவி, மாவு தூவிய கேக் ட்ரேயில் ஊற்றவும்.
7.முற்சூடு செய்த அவனில் 180 C – ல் 30 – 40 நிமிடங்கள் வைத்து பேக் செய்து, வெளியில் எடுத்து ஆற விட்டு துண்டுகள் போடவும்.
8.சுவையும், மணமும் நிறைந்த கேரட் பனானா கேக் தயார்.

NOTE:

A. இதில் ஜாதிக்காய் சேர்ப்பதால் எசன்ஸ் எதுவும் சேர்க்கத் தேவையில்லை.
B. ப்ளையின் ஸ்பாஞ்ச் கேக் மற்றும் சாக்லேட் கேக்குகள் செய்யும் போது கேக் எளிதில் உப்பலாகிவிடும். அவற்றிற்கு சமையல் சோடா சேர்க்கத் தேவையில்லை. அதுவே பழங்கள், காய்கள் அல்லது நட்ஸ் சேர்த்து செய்யும் கேக்குகளில், அதில் சேர்க்கப்படும் பொருட்களின் எடையின் காரணத்தினால் எளிதில் உப்பலாகி வருவதில்லை. எனவே அவற்றில் சிறிது சமையல் சோடா சேர்க்க வேண்டியது அவசியமாகிறது.