~ தக்காளி தால் ~

[MysteRy]

தக்காளி தால்



தேவையான பொருட்கள்

மசூர் தால் – 1 கப்
தக்காளி – 4
இஞ்சி – ஒரு துண்டு
பூண்டு – 5 பல்
பச்சை மிளகாய் – 2
மிளகாய்த்தூள் – 1 தேக்கரண்டி
மஞ்சள்தூள் – 1/4 தேக்கரண்டி
எலுமிச்சை சாறு – 1 மேசைக்கரண்டி
உப்பு – தேவைக்கேற்ப
மல்லித்தழை – சிறிதளவு

தாளிக்க

கடுகு – 1/2 தேக்கரண்டி
சீரகம் – 1/2 தேக்கரண்டி
எண்ணெய், நெய் – 2 மேசைக்கரண்டி

செய்முறை:

பருப்பை மஞ்சள்தூள் சேர்த்து நன்கு வேக வைத்துக் கொள்ளவும்.
தக்காளியை சற்றுப் பெரிய துண்டுகளாக நறுக்கி கொள்ளவும். இஞ்சி, பூண்டு, பச்சை மிளகாய், மல்லித்தழை ஆகியவற்றைப் பொடியாக நறுக்கிக் கொள்ளவும்.
கடாயில் எண்ணெய் ஊற்றி, கடுகு, சீரகம் சேர்த்து தாளித்து அதில் இஞ்சி, பூண்டு, பச்சை மிளகாய் சேர்த்து வதக்கவும்.
இதனுடன் தக்காளி, மிளகாய்த்தூள் சேர்த்து வதக்கி, இதை அப்படியே பருப்பில் சேர்க்கவும்.
இதனுடன் தேவையான அளவு உப்பு சேர்த்து 5 நிமிடங்கள் கொதிக்க விட்டு இறக்கவும்.
கடைசியாக எலுமிச்சைச் சாறு, மல்லித்தழை சேர்த்து பரிமாறவும்.