~ முட்டை தொக்கு ~

[MysteRy]

முட்டை தொக்கு



சுவையான முட்டை தொக்கு செய்வதற்கான எளிய செய்முறை குறிப்பு.

தேவையான பொருட்கள்

முட்டை – 4
தக்காளி – 2
பெரிய வெங்காயம் – 2
பூண்டு – 6 பல்
மிளகாய்த்தூள் – 3 / 4 தேக்கரண்டி
தனியாதூள் – 1 / 4 தேக்கரண்டி
மஞ்சள்தூள் – 1 / 4 தேக்கரண்டி
சோம்பு – 1 / 4 தேக்கரண்டி(விருப்பமெனில்)
உப்பு – 1 / 2 தேக்கரண்டி
மல்லிதழை ,கருவேப்பிலை – சிறிதளவு

செய்முறை

முட்டையை சிறிது உப்பு சேர்த்து வேக வைக்கவும்.
தக்காளி,வெங்காயம்,பூண்டு ஆகியவற்றை நறுக்கிக் கொள்ளவும்.
கடாயில் எண்ணெய் ஊற்றி சிறிது சோம்பு போட்டு தாளித்து, வெங்காயம், தக்காளி, பூண்டு, கருவேப்பிலை போட்டு வதக்கவும்.
பின் மஞ்சள்தூள், மிளகாய்த்தூள், தனியாதூள், உப்பு சேர்த்து வதக்கவும்.
சிறிதளவு தண்ணீர் ஊற்றி, எல்லாம் சேர்ந்து ‘தளதள வென ‘ வரும்போது , முட்டையை மேலும் கீழும் கீறி, மசாலாவில் போட்டு நன்கு கிளறி ,மல்லிதழை தூவி இறக்கவும்.