தேர்வுக்கான உணவு டிப்ஸ்!
தினமும் 1 முதல் 2 லிட்டர் தண்ணீர் அருந்துகிறார்களா என்று கவனியுங்கள்.
காலையில் கூட்டு மாவுச் சத்து அடங்கிய உணவைத் தரலாம்.
படிக்கும்போது, இடையிடையே சாண்ட்விச், பழங்கள், ஸ்மூத்தி, பழச் சாறு, காய்கறி சாலட் கொடுக்கலாம்.
புரதச் சத்து நிறைந்த உணவு, நரம்பு மண்டலச் செயல்பாடுகளை அதிகரிக்கச் செய்யும்.
கேரட், பரங்கிக்காய், பச்சைக் காய்கறிகள் மற்றும் பழங்களைத் தரலாம். இதனால், நோய் எதிர்ப்பு சக்தி அதிகரித்து, அடிக்கடி நோய்வாய்ப்படுவது குறையும்.
வால்நட், ஃப்ளாக்ஸீட்ஸ் மற்றும் மீன் ஆகியவற்றில் உள்ள ஒமேகா 3 ஃபேட்டி ஆசிட் வகைகள், பிள்ளைகளின் மூளையின் செயல்திறனை அதிகரிக்கச் செய்யும்.
தேர்வு சமயங்களில் வெளியே சாப்பிடுவதைத் தவிர்க்க வேண்டும்.
பரங்கி விதைகளில் துத்தநாகம் அதிகம் இருப்பதால், அது குழந்தைகளின் நினைவாற்றலையும் சிந்திக்கும் திறனையும் மேம்படுத்துகிறது.
