தேவையான பொருட்கள்:
அரிசி - 2 கப்
தண்ணீர் - 4 கப்
பூண்டு - 6-7 பற்கள்
சிவப்பு மிளகாய் - 1 (நீளமாக கீறியது)
பச்சை மிளகாய் - 4 (நறுக்கியது)
சோயா சாஸ் - 1 டேபிள் ஸ்பூன்
கொத்தமல்லி - 4 டேபிள் ஸ்பூன் (நறுக்கியது)
உப்பு - தேவையான அளவு
எண்ணெய் - 1 டேபிள் ஸ்பூன்
செய்முறை:
முதலில் அரிசியை கழுவி, நீரை நன்கு வடித்து தனியாக வைத்துக் கொள்ள வேண்டும். பின்னர் ஒரு குக்கரை அடுப்பில் வைத்து, அதில் அரிசியைப் போட்டு தண்ணீர் ஊற்றி, குக்கரை மூடி 2-3 விசில் விட்டு இறக்க வேண்டும்.
விசிலானது போனதும், குக்கரை திறந்து சாதத்தை தட்டில் போட்டு குளிர வைக்க வேண்டும். பின்பு ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், பூண்டு சேர்த்து வதக்க வேண்டும்.
பின் சிவப்பு மிளகாய், பச்சை மிளகாய் சேர்த்து, 1 நிமிடம் வதக்க வேண்டும். அடுத்து சோயா சாஸ், சாதம், உப்பு, கொத்தமல்லி சேர்த்து, 4-5 நிமிடம் நன்கு கிளறி இறக்கினால், சுவையான சில்லி கொத்தமல்லி ஃப்ரைடு ரைஸ் ரெடி!!!
