என்னென்ன தேவை?
கம்பு - 100 கிராம்,
வெல்லம் - 200 கிராம், நெய் - 1 டீஸ்பூன்,
உப்பு - 1 சிட்டிகை,
முந்திரி, பாதாம் - சிறிதளவு.
எப்படிச் செய்வது?
கம்பை முதல் நாள் இரவே ஊற வைக்கவும். மறுநாள் கழுவி, தண்ணீரை வடித்து, மிக்சியில் ஒரு சுற்று ஓட விடவும். ரொம்பவும் நைசாக அரைக்கக் கூடாது. பிறகு அதில் 3 பங்கு தண்ணீர் விட்டு, உப்பு சேர்த்து பிரஷர் குக்கரில் 5 விசில் வைத்தெடுக்கவும். வெல்லத்தில் தண்ணீர் விட்டு பாகு காய்ச்சி, பொங்கலில் சேர்க்கவும். நெய்யில் முந்திரி, பாதாம் வறுத்துச் சேர்த்துப் பரிமாறவும்.
* கம்புக்கு இயல்பிலேயே ஒரு நல்ல மணம் உண்டு என்பதால், வாசனைக்காக ஏலக்காய் கூடத் தேவையில்லை.
* நார்ச்சத்து, கால்சியம், இரும்புச்சத்து என எல்லாம் நிறைந்தது இது
