வேர்க்கடலை - ஒரு கப்
கடலை மாவு - 2 மேசைக்கரண்டி
அரிசி மாவு - 2 தேக்கரண்டி
மிளகாய் தூள் - காரத்திற்கு ஏற்ப
மஞ்சள் தூள் - கால் தேக்கரண்டி
பெருங்காயம் - கால் தேக்கரண்டி
எண்ணெய் - 2 தேக்கரண்டி
உப்பு - தேவையான அளவு
தேவையான பொருட்களை தயாராக எடுத்து வைக்கவும். தோலுடன் இருக்கும் வேர்க்கடலை தான் இதற்கு சுவையாக இருக்கும்.
மைக்ரோவேவ் சேஃப் பவுலில் எண்ணெய் தவிர மற்ற அனைத்தையும் சேர்த்து கலந்து கொள்ளவும். தேவையெனில் ஒரு தேக்கரண்டி தண்ணீர் சேர்க்கவும்.
மைக்ரோவேவை ஹையில் 6 நிமிடங்கள் செட் செய்யவும். வேர்க்கடலை கலவையை 2 நிமிடங்கள் வைத்து எடுத்து, அதில் ஒரு தேக்கரண்டி எண்ணெய் சேர்த்து கலந்துவிடவும்.
பிறகு மீண்டும் 2 நிமிடங்கள் வைத்து எடுத்து மீதமுள்ள எண்ணெயைச் சேர்த்து கலந்துவிடவும். மேலும் 2 நிமிடங்கள் வைத்தெடுத்து தட்டில் 2 நிமிடங்கள் ஆறவிடவும்.
மொறுமொறுப்பான எண்ணெய் இல்லாத (மைக்ரோவேவ்) வேர்க்கடலை பக்கோடா தயார்.
