கவிதை விளையாட்டு: தலைப்பை விட்டு செல்

[Madhurangi]

கட்டற்றப் பெருங்காற்று நம்மைக் கடக்கையில்,
வளைவதும் பணிவதும் கோழைத்தனம் அல்ல;
தக்கன பிழைத்தலின் சூத்திரம் என உலகிற்கு உணர்த்தும்
நெடிய பசுமை நிறப் புத்தன் - மூங்கில்!

அடுத்த தலைப்பு : கனவு

[Ninja]

கட்டற்ற கடலும் இல்லை,
கவ்வி செல்ல மீனும் இல்லை;
குத்தும் குளிரில்
எதிர் திசையில் நடந்த
பென்குயினுக்கு
கனவில் இருந்ததெல்லாம்
ஏதுமற்ற
பனி அடர்ந்த அந்த மலைகள் தான்
தன்னை புரிந்து கொள்ளும் வீடு போல


அடுத்த தலைப்பு : தனிமை