Dubious People in the world ....

[MysteRy]

Dubious People in the world : உலகில் யாராலும் கண்டுபிடிக்க முடியாத மர்மமான மனிதர்கள்... முடிந்தால் நீங்கள் கண்டுபிடியுங்கள்..

இந்த உலகில் பிரபலமாக வேண்டும் தன் முகம் உலகிற்கே தெரியவேண்டும் என்ற எண்ணம் இல்லாத ஆட்களே இல்லை. உலகத்தில் மிகப்பெரிய செலிபிரிட்டி ஆக வேண்டும் என்பதற்காகப் பலர் பல விதமாகச் செயல்களில் ஈடுபட்டு வருகின்றனர். சில நல்ல விஷயங்களைச் செய்து பிரபலமான நினைக்கிறார்கள். சிலர் நெகட்டிவ் பப்ளிசிட்டி செய்து பிரபலமாக நினைக்கிறார்கள். ஆனால் இந்த உலகில் யார் என்றே தெரியாத சிலர் பிரபலமாகியுள்ளனர். அவர்களை இந்த உலகமே தேடியும் அவர்கள் அவர்களது முகத்தை வெளியுலகிற்குக் காட்ட மறுக்கின்றனர். அப்படியாக 8 பேர் குறித்து இந்த பதிவில் நாம் காணலாம்...
1. சடோஷி நாகமோட்டோ:
இன்று உலகில் மிக வேகமாக இயங்கி வரும் ஒரு கரென்ஸி கிரிப்டோ கரென்ஸி. ஆன்லைன் வர்த்தகத்திற்காகக் கண்டுபிடிக்கப்பட்ட இந்த கரென்ஸியை வைத்து இன்று பெரும் அளவில் வர்த்தகம் நடந்துவருகிறது. இதைக் கண்டுபிடித்தவர் சாடோஷி நாகமோடோ என்ற தகவல் மட்டும் இருக்கிறது. அவர் யார் என யாருக்கும் தெரியவில்லை. அந்த அளவிற்கு அவர் அவரை கட்டமைத்துள்ளார். அவர் 1975ம் ஆண்டு ஏப் 5ம் தேதி பிறந்தததாகவும், தற்போது ஜப்பானில் வாழ்வதாகவும் மட்டுமே தகவல் இருக்கிறது. அவர் ஆணா பெண்ணா? என்பது பற்றி எந்த தகவலும் இல்லை. இப்படிப்பட்ட நபர் இறந்துவிட்டதாகச் சிலரும், சிலர் இப்படி ஒரு நபரே இல்லை இது கார்ப்பரேட்களின் சதி எனவும் பேசப்படுகிறது.
2. கார்ல் கோர்ச்சர்:
1934ம் ஆண்டு பிராட்டிஸ்லவா என்ற பகுதியில் பிறந்தவர் தான் இந்த கார்ல், இவர் சிஐஏவிற்குள் ஊருவ முயன்றவர் என கருதப்படுகிறது. இவர் தனது 28வது வயதிலேயே சிஐஏவிற்குள் ஊடுருவி வேவு பார்த்ததாகக் கூறப்படுகிறது. இவர் சிஐஏவில் யூஎஸ்எஸ்ஆர்ரை வேவு பார்க்கும் பணிக்கு அனுப்பப்பட்டதாகவும் கூறப்படுகிறது. இவர் ஒரு கட்டத்தில் டபுள் ஏஜென்டாக மாறினார் என்றும் பேசப்படுகிறது. ஆனால் இப்படிப்பட்ட ஒரு மனிதனைப் பற்றிய எந்த வித ஆதாரமும் யாரிடமும் இல்லை.
3. பறக்கும் மனிதன்:
9/11 சம்பவம் பற்றி உங்களுக்கு நிச்சயம் தெரிந்திருக்கும். அமெரிக்காவின் இரட்டை கோபுரம் இடிந்து விழுந்தது. அந்த தாக்குதல் நடந்த போது இந்த கட்டடத்திற்குள் இருந்தவர்கள் என்ன செய்வது எப்படித் தப்பிப்பது என எதுவும் தெரியாமல் தவித்தனர் இதைக் கட்டிடத்தில் இல்லாத பலர் வீடியோ எடுத்தனர். அந்த சம்பவத்திற்குப் பின்னர் வெளியான வீடியோக்களை வைத்து அதில் உள்ளவர்களை அடையாளம் காணும் முயற்சி நடந்தது. பதிவான வீடியோக்களில் ஒருவீடியோவில் கட்டடம் இடிந்த போது எப்படித் தப்பிப்பது எனத் தெரியாமல் ஒரு மனிதன் கட்டடத்திலிருந்து குதித்துள்ளார். அவர் யார் என யாராலும் இன்று வரை அடையாளம் காண முடியல்லை. இவர் தற்போது உயிருடன் இருக்கிறாரா இறந்துவிட்டாரா என்பது கூட யாருக்கும் தெரியவில்லை. இந்த மனிதம் மர்மமான மனிதனாகவே அறியப்படுகிறார்.
4. பெயர் தெரியாத அழகி:
கடந்த 18ம் நூற்றாண்டின் ஒரு சமயத்தில் பாரீஸ் நகரில் மர்மமான முறையில் ஒரு பெண் இறந்து கிடந்தாள். அவரை பிரேதப் பரிசோதனை செய்த போது அந்த பெண் தற்கொலை செய்து கொண்டது தெரியவந்தது. அந்நாட்டில் அடையாளம் தெரியாமல் இறந்தவர்களை அடையாளம் காணும் கோரினர் என்ற அதிகாரி அந்த பெண்ணை அடையாளம் காணப் பார்த்தபோது அந்த பெண் மிக அழகாக இருப்பதாக உணர்ந்தார். அந்த பெண் தான் உலகிலேயே பேரழகி என்ற உணர்ந்த அவர் இறந்துபோன அந்த பெண்ணின் முகத்தை அச்சு எடுத்தார். அந்த முகம்தான் தான் பலரால் ரசிக்கப்பட்டுப் பிரபலமானார். ஆனால் இன்று வரை அந்த பெண் யார்? எதற்காகத் தற்கொலை செய்தார் என்ற எந்த தகவலும் கிடைக்கப் பெறவில்லை.
5. டி பி கூப்பர்:
உலகில் எந்த குற்றம் செய்தாலும் தப்பிவிட வாய்ப்புகள் உள்ளது. ஆனால் விமானத்தைக் கடத்தும்போது அந்த குற்றவாளிகள் தப்பிக்க வாய்ப்பே இல்லை. விமான நிலைய கட்டுப்பாடு உள்ள பாதுகாப்பு உள்ளிட்டவற்றை மீறி ஒருவர் விமானத்தைக் கடத்தி ஆதாயம் பெற்று யாரிடமும் சிக்காமல் தப்பியுள்ளார் எனச் சொன்னால் உங்களால் நம்ப முடிகிறதா? 1971ம் ஆண்டு இவர் வாஷிங்டன்னில் இருந்து ஓரேகான் செல்லும் போயீங் 727 ரக விமானத்தைக் கடத்தினார்.
இந்த விமானத்தைக் கடத்திய அவர் அமெரிக்க அரசிடம் 2 லட்சம் டாலர் பணம் கேட்டுள்ளார். அதை அவரிடம் வழங்கிய அரசு விமானத்திலிருந்து பாராசூட் மூலம் தப்பித்தார். ஆனால் இன்றுவரை அவர் யார் என்று கண்டுபிடிக்கவே முடியவில்லை. இவரும் உலகில் உள்ள மர்மமான மனிதர்களின் ஒருவர்.
6. சோடியாக் கில்லர்:
1960 -1970களுக்கு இடையில் அமெரிக்காவின் வடக்கு கலிஃபோர்னியா பகுதியில் தொடர் கொலை சம்பவங்கள் நடந்தது கொலீ செய்ப்பட்டவர்கள் எல்லாம் 16-29 வயதிற்குப்பட்டவர்கள். இவர்களை எல்லாம் ஒரே நபர் தான் கொலை செய்கிறார் என்ற தகவல் மட்டும் தான் போலீசாரால் கண்டு பிடிக்க முடிந்தது. ஆனால் யார் கொலை செய்கிறார் எனக் கண்டு பிடிக்கவே முடியவில்லை. மாறாக அவரே தான் இதுவரை 37 பேரை கொலை செய்ததாகப் பத்திரிக்கைகளுக்குக் கடிதம் எழுதி அனுப்பியுள்ளார். இந்த வழக்கு இன்று விசாரணையிலேயே தான் இருக்கிறது.
7. டேங்க் மேன்:
1989ம் ஆண்டு சீனாவின் டியானன்மேன் என்ற பகுதியில் பத்திரிக்கை சுதந்திரம், பேச்சு சுதந்திரம், பணியாட்களின் மீதான பணிச்சுமை குறித்து பெரும் போராட்டம் நடந்தது. கிட்டத்தட்ட 10 லட்சம் பேர் இதில் கலந்து கொண்டனர். ஆனால் அவர்கள் மீது துப்பாக்கிச் சூடு மற்றும் டேங்கர் சூடு நடத்தி அரசு அந்த போராட்டத்தைக் கலைத்தது. மறுநாள் அந்த பகுதியில் வரிசையாக வந்த அந்த டேங்கர் முன்பு ஒரு தனி மனிதன் நின்று டேங்கர் செல்ல வழி விடாமல் தடுத்தார். அதை ஒரு புகைப்படக்காரர் புகைப்படம் எடுத்து வெளியிட்டார். அந்த புகைப்படம் வைரலாக பரவியது. ஆனால் இன்று வரை அந்த மனிதன் யார். அவருக்கு அதன் பின் என்ன ஆனது என்பது மர்மமாகவே உள்ளது.
8. போ டோஸ்டர்:
எட்கர் ஆலன் போ என்பவர் அமெரிக்காவைச் சேர்ந்த ஒரு சிறந்த எழுத்தாளர்கள் இவரது எழுத்துக்கள் மிகப் பிரபலமானவை. இவர் கடந்த 1849ம் ஆண்டே மறைந்துவிட்டார். இவரது சமாதி இன்றும் அமெரிக்காவில் உள்ளது. இந்நிலையில் கடந்த 1949ம் ஆண்டு முதல் 2010ம் ஆண்டு வரை இவரது சமாதியில் ஒவ்வொரு ஆண்டும் இரவு ஒரு குறிப்பிட்ட வகை மதுபானம் படைக்கப்பட்டு வந்தது. இதை யார் படைத்தார் என்பது இன்று வரை மர்மம்தான் 2010ம் ஆண்டிற்குப் பிறகு இது ஏன் நிறுத்தப்பட்டது என்பது மர்மமான விஷயம் தான்.