எல்லை யற்றது வான மில்லை
என் சிந்தனை - மனித சிந்தனை
இறுதி யற்றது கால மில்லை
என் வேதனை - இதய வேதனை
சாவை வென்றது தெய்வமில்லை
தேன் புன்னகை - குழந்தையின் புன்னகை
தன்னை வென்றவன் துறவி யில்லை
தொண்டனே - பொது தொண்டனே
கவிதை யாவது சொல்லி லில்லை
அவள் கண்ணிலே - கடைக் கண்ணிலே
காவி யங்கள் மொழியி லில்லை
அவள் இதழ்களிலே - எச்சில் இதழ்களிலே
அமிர்தம் தேவர்தம் நாட்டி லில்லை
கூழ்ப் பானையிலே - ஏழையின் பானையிலே
ஆலயம் உயர் கோவி லில்லை
ஏழையின் குடிசையிலே - ஓலைக் குடிசையிலே
செயலி லில்லை நம் வெற்றி தோல்விகள்
சிந்தையிலே - மனித சிந்தையிலே
சிகரமென்பது மலையி லில்லை
உன் பணிவினிலே - நெஞ்சின் பணிவினிலே
