~ வறுத்தரைத்த மிளகு – பூண்டு குழம்பு செய்வது எப்படி ~

[MysteRy]

வறுத்தரைத்த மிளகு – பூண்டு குழம்பு செய்வது எப்படி



தேவையான பொருட்கள் :

சின்ன வெங்காயம் – 1 கப்,
புளி – எலுமிச்சை அளவு,
தக்காளி – 4,
எண்ணெய் – 5 ஸ்பூன்,
கடுகு, உளுந்து, வெந்தயம், சீரகம் – தலா அரை டீஸ்பூன்,
உப்பு – தேவைக்கு,
பூண்டு – 10 பல்
கறிவேப்பிலை – சிறிது.

அரைக்க :

மிளகு, சீரகம் – தலா 2 டேபிள் ஸ்பூன்,
உளுந்து, கடலை பருப்பு தலா – 2 டீஸ்பூன்,
வெந்தயம் – அரை டீஸ்பூன்,
சுக்கு – 1 துண்டு,
மிளகாய் வற்றல் – 4.

செய்முறை :

* புளியை அரை கப் தண்ணீரில் கரைத்து வடிகட்டி வையுங்கள்.
* பூண்டு, வெங்காயத்தை தோல் உரித்து வைக்கவும்.
* வாணலியில் ஒரு டேபிள் ஸ்பூன் எண்ணெயை ஊற்றி சூடானதும் அதில் அரைக்க கொடுக்கப்பட்டுள்ள பொருட்களை போட்டு வறுத்து, ஆறவைத்து கால் கப் தண்ணீர் சேர்த்து மிக்சியில் போட்டு நைசாக அரைத்து கொள்ளவும்.
* கடாளை அடுப்பில் வைத்து எண்ணெய் ஊற்றி சூடானதும் கடுகு, உளுந்து, வெந்தயம், சீரகம் போட்டு தாளித்த பின் வெங்காயம், பூண்டு, தக்காளியை சிறிது உப்பு சேர்த்து வதக்குங்கள்.
* நன்றாக வதங்கியதும் அதில் கரைத்து வைத்துள்ள புளி கரைசல், அரைத்த விழுது, தேவையான உப்பு சேர்த்து நன்கு கொதிக்க விடவும்.
* ஓரங்களில் எண்ணெய் பிரிந்து வரும் போது கறிவேப்பிலை தூவி இறக்குங்கள்.