~ உடல் சூட்டை குறைக்கும் வெந்தயக்களி ~

[MysteRy]

உடல் சூட்டை குறைக்கும் வெந்தயக்களி



தேவையான பொருட்கள் :

வெந்தயம் – 500 கிராம்
பச்சரிசி மாவு – 200 கிராம்
வெல்லம் அல்லது கருப்பட்டி – 100 கிராம்
சுக்குதூள் – அரை தேக்கரண்டி
ஏலக்காய் – 2 (தூளாக்கவும்)
நல்லெண்ணெய் – 2 தேக்கரண்டி

செய்முறை :

* ஏலக்காய், வெல்லம் அல்லது கருப்பட்டியை தூளாக்கி கொள்ளவும்.
* வெந்தயத்தை வெறும் கடாயில் சிவக்க வறுத்து ஆற வைத்து மிக்சியில் போட்டு தூளாக்குங்கள்.
* அரிசி மாவில், வெந்தய மாவு, தண்ணீரை கலந்து தோசை மாவு பதத்திற்கு தயார் செய்யவும்.
* பாத்திரத்தில் வெல்லத்தைக்கொட்டி நீர் கலந்து, பாகு காய்ச்சி வடிகட்டி எடுக்கவும்.
* கரைத்து வைத்துள்ள மாவை அடுப்பில் வைத்து நன்கு கிளற வேண்டும். அடுப்பை மிதமான தீயில் வைத்து கொள்ள வேண்டும். கைவிடாமல் கிளற வேண்டும்.
* வெந்து வரும்போது வடிகட்டி வைத்துள்ள வெல்ல பாகுவை கலந்து கிளறவேண்டும்.
* மாவு பாத்திரத்தில் ஒட்டாமல் திரண்டு வரவேண்டும். தண்ணீரில் விரலை விட்டுவிட்டு மாவை தொட்டால் அது விரலில் ஒட்டக்கூடாது. அதுவே சரியான பதம்.
* கடைசியாக பின்பு அதில் நல்லெண்ணெய் ஊற்றி கிளறி சுக்கு தூள், ஏலக்காய் தூள் கலந்திடுங்கள்.
* லேசான சூட்டில் சாப்பிடுங்கள்.
* இது உடலுக்கு குளிர்ச்சியளிக்கும். பருவம் எய்திய பெண்களுக்கு உடல்சூடு காரணமாக வெள்ளைப்படுதல் உண்டாகும். அதனால் அவர்கள் மெலிந்துபோவார்கள். அப்படிப்பட்டவர்களுக்கு வாரம் இரு முறை வெந்தயக்களி தயார் செய்து கொடுக்கவேண்டும். இது உடலுக்கு புத்துணர்ச்சியை வழங்கும். எலும்புகள் நன்கு வளர்ச்சியடையும்.