ப
பகடைக்காய் _ இருதிறத்தாரின் போராட்டத்தில் இடை நின்று தவிக்கும் ஒருவர்.
பகரமாக _ பார்ப்பதற்கு கம்பீரமாக.
பகல் கனவு _ நிறைவேறும் வாய்ப்பு இல்லாதது.
பகல் வேஷம் _ நல்லவர் போன்று நடித்தல்.
பகல் கொள்ளை _ அநியாயமாக விலையேற்றி விற்பனை செய்தல்.
பகாளாபாத் _ தயிர் கலந்த உணவு வகை.
பகிரங்கம் _ வெளிப்படை.
பகிஷ்கரி _ புறக்கணித்தல் : ஒதுக்குதல்.
பகிஷ்காரம் _ புறக்கணிப்பு.
பகீர் எனல் _ மனத்துள் அச்சம் படர்தல்.
பகீரதப் பிரயத்தனம் _ கடும் முயற்சி.
பக்க பலம் _ வலுவான ஆதரவு : பெருந்துணை.
பக்கவாத்தியம் _ துணையாக வரும் இசைக் கருவிகள் : ஒருவன் கோள் சொல்ல உடன் இருப்பவர்கள் அதையொட்டிப் பேசுதல்.
பக்கா _ சரியான.
பக்கிரி _ பரதேசி : வறியவன்.
பங்காளிக் காய்ச்சல் _ போட்டியும் பொறாமையும்.
பசை _ பண வசதி.
பச்சாதாபம் _ இரக்கம் , பரிவு.
பச்சையாக _ வெளிப்படையாக.
பச்சைக் கொடி _ அனுமதி.
பஞ்சப் பாட்டு _ இல்லாமையைப் பற்றிப் புலம்புதல் : வசதி குறைவு குறித்து வருந்துதல்.
பஞ்சப்படி _ அகவிலைப்படி.
படபடப்பு _ மனக்கிலேசம் : சஞ்சலம்.
படம் காட்டு _ பெரிது படுத்திக் கூறு.
படம் பிடித்துக் காட்டு _ உண்மையைத் தெளிவாகக் கூறு.
படவா _ வகைச்சொல் : அன்புடன் அழைக்கும் கொச்சை மொழி.
படாடோபம் _ ஆடம்பரம் : பகட்டு.
படிப்படியாக _ சிறிது சிறிதாக.
படிப்பினை _ உலக அனுபவ ஞானம்.
படியளத்தல் _ சோற்றுக்கு வழி செய்தல்.
படுத்து விட்டது _ தொழில் மந்தம் ஆதல்.
படைப்பாளி _ கதாசிரியர்.
பட்சபாதம் _ வேண்டியவர் வேண்டாதவர் என்னும் கருத்து.
பட்சி _ பறவை.
பட்டணப் பிரவேசம் _ மடாதிபதி,குரு பூசை முடிந்ததும் நகரை வலம் வருதல்.
பட்டர் _ திருமால் கோயிலில் பூசை செய்பவர்.
பட்டாதாரர் _ நிலவுரிமையாளர்.
பட்டாபிஷேகம் _ முடிசூட்டு விழா.
பட்டாமணியம் _ கிராம அதிகாரி.
பட்டி _ திருட்டு ஆடு, மாடுகளை அடைத்து வைக்கும் கூடம் : வெற்றிலைப் பாக்கு கட்டி வைக்கப்பட்ட சுருள்.
பட்டிக்காடு _ வசதியற்ற சிறு கிராமம்.
பட்டி தொட்டி _ சிறு கிராமமும் அதனையொட்டிய பகுதியும்.
பட்டும் படாமலும் _ முழுமையாக ஈடுபடாத.
பட்டு வாடா _ விநியோகம்.
பட்டை சாதம் _ நைவேத்தியமாகப் படைக்கப்பட்டுப் பின்னர் வழங்கப்படும் சோறு.
பட்டை நாமம் _ ஏமாற்றும் தன்மை.
பதம் பார்த்தல் _ சோதித்துப் பார்த்தல்.
பதார்த்தம் _ சமைத்த காய்கறிகள்.
பதிலடி _ எதிர் நடவடிக்கை.
பதுக்கல் _ சட்ட விரோதமாக மறைத்து வைத்தல்.
பதைபதைத்தல் _ மிகவும் வருந்துதல்.
பத்தாம் பசலி _ பழமையானவர் : காலத்திற்குப் பொருந்தாத பழைமைவாதி.
பத்திரப்படுத்து _ பாதுகாப்பு செய்.
பத்திரமாயிரு _ பாதுகாப்பாய் இரு.
பத்ரகாளி _ சண்டைக்காரி.
பப்பளம் _ உப்பி எழக்கூடிய அப்பள வகை.
பம்மாத்து _ பொய்ச் செயல் : நடிப்பு.
பம்மு _ பதுங்கு : ஒளிந்து கொள்.
பயங்கரம் _ அச்சந்தருவது.
பயங்கரவாதி _ கொடூரமான செயல்களைப் புரிபவன்.
பயபக்தி _ பணிவும் அன்பும் கலந்த பண்பு.
பயமுறுத்து _ அச்சுறுத்து.
பயல் _ சிறுவனை அழைக்கும் சொல்.
பயில்வான் _ மல்யுத்தம் புரிபவன்.
பரபரக்க _ அவசரமாக.
பரபர என்று _ வேகமாக.
பரபரப்பு _ அமைதியின்மை.
பரமாச்சாரியார் _ ஆன் மீக குரு.
பரவசம் _ பெரு மகிழ்ச்சியால் உண்டாகும் இன்ப உணர்வு.
பரவலாக்கு _ பல இடங்களிலும் இருக்கச் செய்.
பரவாயில்லை _ பொருட்படுத்த வேண்டாம்.
பராக் _ கவனத்தை ஈர்க்கும் சொல்.
பராக்கிரமம் _ ஆற்றல், வலிமை.
பராக்குப் பார் _ வேடிக்கைப் பார்.
பராமரி _ பேணிக் காப்பாற்று.
பராமரிப்பு _ கவனிப்பு : பேணுதல்.
பராரி _ வறியவன்.
பரிகாசம் _ ஏளனம் : கேலி.
பரிகாரம் _ தீர்வு.
பரிச்சயம் _ பழக்கம் : அறிமுகம்.
பரிசம் _ மண மகளுக்கு மணமகன் வீட்டார் தரும் தொகை : ஒருவர் உடல் மீது மற்றொருவர் கை முதலானவை படுதல்.
பரிசாரகன் _ சமையல் காரன்.
பரிசீலனை _ ஆய்வு : சீர் தூக்கி ஆராய்தல்.
பரீட்சார்த்தம் _ சோதனை முயற்சி.
பரிதவிப்பு _ மனவுளைப்பு.
பரிபாலனம் _ நிர்வாகம்.
பரிமாறு _ உணவு படைத்தல்.
பரிவாரம் _ உடன் வரும் ஆதரவாளர்கள்.
பருப்பு வேகாது _ ஏமாற்ற முடியாது : தந்திரம் பலிக்காது.
பரோபகாரி _ தாராளமாக உதவி செய்பவர்.
பர்தா _ உடலையும், முகத்தையும் மறைக்கும் ஆடை வகை.
பலவந்தம் _ வலுக்கட்டாயம்.
பலாபலன் _ நன்மை ,தீமை.
பலிகடா _ ஒருவனைத் தப்புவிக்கப் பிறிதொருவனைக் குற்றவாளியாக்கும் தன்மை.
பலே _ பாராட்டுக்குறிப்பு.
பல்லைக் கடித்துக் கொண்டிரு _ கட்டுப்படுத்திக் கொண்டு அமைதியாய் இரு.
பவனம் _ இருப்பிடம்.
பவிசு _ மேல் நிலை : சிறப்பு.
பழிக்குப் பழி _ வஞ்சம் தீர்ப்பது : தீங்கு செய்வது.
பழி கிடத்தல் _ நெடு நேரம் காத்திருத்தல்.
பழிப்புக் காட்டு _ ஏளனம் செய்.
பழுத்த சுமங்கலி _ கணவனோடு நெடிது காலம் வாழ்ந்து கொண்டிருக்கும் முதுமையான சுமங்கலி மாது.
பழைய ஆகமம் _ கிறித்துவின் வருகையை அறிவிக்கும் பழைய ஏற்பாடு.
பழையது _ முதல் நாள் காலை வடித்த சோறு.
பழைய பஞ்சாங்கம் _ மிகப் பழைமையான நாகரிக முடையவர்.
பளபளப்பு _ மினுக்குதல்.
பளார் என்று _ கன்னத்தில் கடுமையாக அடி கொடுத்தலின் வேகத்தைக் குறிப்பது.
பளிச் சென்று _ கண்ணைப் பறிக்கும் ஒளிக் குறிப்பு.
பள்ளிக் கணக்கு _ பள்ளிக் கூடத்தில் படித்த கல்வி.
பற்றாக் குறை _ தட்டுப்பாடு.
பன்னாடை _ தென்னை, பனை மட்டைகளின் இடையே பின்னப்பட்ட வலை : இழிந்த குணமுடையவன் டு ஈயாதவன்.
பன்னிப் பன்னி _ திரும்பத் திரும்ப.
பஜ்ஜி _ ஒரு பலகாரம்.
பஜனை _ பலர் சேர்ந்து பாடும் பக்திப் பாடல்.
பஜார் _ கடைத் தெரு.
பஸ்கி _ உடற் பயிற்சி வகை.
பஸ்பம் _ தூள் மருந்து.
