மலர்களின் மானசீக தலைவி !!

[aasaiajiith]

    அடடா !
    ஈதென்ன காட்சி !

    கண்கள் கண்டிறா
    கண்கொள்ளா கவின்மிகு காட்சி

    மலர்கள் கண்காட்சியினை
    மேற்பார்வையிடவோ
    மலர்களின் மானசீக தலைவி ,
    மாற்று மாநிலமாம்
    பெங்களூருவில் ..!

    ************************************************

    காலகாலமாய் காணவருபவர்
    கண்களோடு கலவையாய்
    மனதையும் குளிர்ந்திட செய்திடும்
    கண்கவர் லாலபாக் பூக்களில்
    ஒற்றை பூ மட்டும்
    மாறுவேசம் பூண்டு
    வேறுவேசத்தினில் மெல்ல
    கோவைக்கு இடம்பெயர்ந்திட
    கூட்டத்தோடு கூட்டமாய்
    காத்துகிடக்கையில்
    மாட்டிக்கொண்டதுவோ
    நேற்றைய நாளிதழில் !

    ************************************************** ***********
    லட்சப்பூக்களின் உச்சப்பட்ச
    அணிவகுப்பின் அழகினில்
    மிச்சம் சொச்சம் ஏதுமில்லா
    உச்சம் நாங்கள் தானென
    தமிழகம் தவிர இந்தியாவுக்கே
    அங்கலாய்ப்பாய் அறிவித்துக்கொள்ளும்
    அப்பாவி லால் பாக் பூக்களினை
    போகிறபோக்கினில் ஓரப்பார்வையில்
    தன் மறையா இன்முகம் புறம்காட்ட
    உன் முன் ,
    அழகின் எச்சங்களே நாங்கள் என
    லட்ச பூக்களையும் ஒப்புதல்
    வாசிக்க வைத்தது நீயடி ...