~ வீட்டில் எளியமுறையில் செய்யக்கூடிய வாழைக்காய் சிப்ஸ் ~

[MysteRy]

வீட்டில் எளியமுறையில் செய்யக்கூடிய வாழைக்காய் சிப்ஸ்



தேவையான பொருட்கள் :

வாழைக்காய் – 3
மிளகு – 4 தே.க
உப்பு – தேவையான அளவு
எண்ணெய் – பொரித்தெடுக்க

செய்முறை :

* வாழைக்காயின் மேல்தோலை நீக்கி அதனை மெலியதாக வட்ட வடிவில் (வாழைக்காய் சீவலில்) சீவி தண்ணீரில் போட்டு வைக்கவும்.
* ஒரு தூய்மையான (வெள்ளைத்)துணியின் மீது இந்த துண்டுகளை பரப்பி சிறிது நேரம் உலற விடவும்.
* மிளகை மிக்ஸியில் போட்டு கொஞ்சம் மிருதுவாக பொடித்துக்கொள்ளவும். இதனுடன் தேவையான உப்பு சேர்த்து தயாரக வைத்திருக்கவும்.
* வாணலியில் எண்ணெய் ஊற்றி காய்ந்த பின் வெட்டி வைத்த வாழைக்காய் துண்டுகளை ஒவ்வொன்றாக போட்டு பொரித்து எடுக்கவும். (எல்லாம் ஒரே சீராக ஒரு வகை மஞ்சள்/வெள்ளை நிறத்துக்கு மாறினதும்)
* பொரித்தெடுத்த வாழைக்காயை சிப்ஸை ஒரு பாத்திரத்தில் போட்டு மேலே சிறிது உப்பு மிளகு கலவையை தூவி நன்றாக குலுக்கி எடுத்து காற்று போகாத ஒரு டப்பாவில் போட்டு வைக்கவும்.
* இதே போல் எல்லா துண்டுகளையும் பொரித்து, உப்பு மிளகு கலந்து வைக்கவும்.
* சுவையான வாழைக்காய் சிப்ஸ் ரெடி.
* உருளைக்கிழங்கு, நேந்திரம் பழத்திலும் இந்த சிப்ஸை செய்யலாம்.