விண்டோஸ் 10 - ஸ்டார்ட் மெனு மற்றும் ஸ்டார்ட் ஸ்கிரீன்
விண்டோஸ் 8 சிஸ்டத்தில் ஸ்டார்ட் மெனு இல்லாததுதான், ஒரு பெரிய குறையாக விண்டோஸ் வாடிக்கையாளர்கள் உணர்ந்தனர்.
உலகெங்கும் இருந்து இதற்கு எதிர்ப்பு வந்தது. தற்போது, விண்டோஸ் 10ல் இரண்டும் வழங்கப்படுகிறது.
டாஸ்க் பார் மற்றும் ஸ்டார்ட் மெனு, மீண்டும் முழு செயல்பாட்டுடன் தரப்பட்டுள்ளது.
வழக்கமான பெர்சனல் கம்ப்யூட்டர்களில், சிஸ்டம் ஸ்டார்ட் மெனுவுடன் பூட் ஆகித் தொடங்கும்.
இதிலிருந்து, டெஸ்க்டாப் காலியான இடத்தில் ரைட் கிளிக் செய்து கிடைக்கும் மெனுவில், ஸ்டார்ட் ஸ்கிரீன் பெற ஆப்ஷன் கிடைக்கும்.
டேப்ளட் பி.சி. போன்ற சாதனங்களில், மாறா நிலையில் விண்டோஸ் 10, ஸ்டார்ட் ஸ்கிரீன் உடன் தொடங்கும்.
இதிலிருந்து, ஸ்டார்ட் மெனு செல்லும் ஆப்ஷன் கொண்ட விண்டோ, முன்பு போல ரைட் கிளிக் செய்தால் கிடைக்கும் மெனுவில் கிடைக்கும்.
இவற்றில் எந்த பிரிவிற்கு மாறினாலும், அடுத்து விண்டோஸ் பூட் செய்யப்படுகையில், ஏற்கனவே மாறா நிலையில் அமைக்கப்பட்ட ஸ்டார்ட் மெனு அல்லது ஸ்டார்ட் ஸ்கிரீன் உடன் தான், விண்டோஸ் 10 திறக்கப்படும்.
