தேவையானவை:
முழுப்பூண்டு – 2 (தோலுரிக்கவும்), வெங்காயம் – ஒன்று (பொடியாக நறுக்கவும்), தண்ணீர் – அரை லிட்டர், மைதா – தலா ஒரு டேபிள்ஸ்பூன், பால் – ஒரு கப், கிரீம் அல்லது கெட்டித் தயிர் – சிறிதளவு, ஆலிவ் எண்ணெய் – ஒரு டேபிள்ஸ்பூன், மிளகுத் தூள், உப்பு – தேவையான அளவு.
செய்முறை:
கடாயில் எண்ணெயை சூடாக்கி, உரித்த பூண்டு சேர்த்து நன்கு வறுக்கவும். இதில் சிறிது எடுத்து தனியே வைக்கவும். நறுக்கிய வெங்காயத்தை சேர்த்து வதக்கவும். மைதாவையும் சேர்த்து வறுத்து, அடுப்பை மிதமான தீயில் வைத்து பாலை கொஞ்சம் கொஞ்சமாக ஊற்றி கட்டிஇல்லாமல் கிளறி, தண்ணீரை சேர்த்து கொதிக்கவிடவும். பூண்டு நன்கு வெந்தவுடன் உப்பு, மிளகுத்தூள் சேர்த்து கொதிக்கவிட்டு இறக்கி வடிகட்டி, தனியாக எடுத்து வைத்த வறுத்த பூண்டு, கிரீம் (அ) தயிர் சேர்த்துப் பரிமாறவும்.
