உருளைக்கிழங்கு பாயசம்
தேவையானவை: வேக வைத்து நன்றாக மசித்த உருளைக்கிழங்கு, சர்க்கரை – தலா கால் கப், திக்கான பால் – ஒரு கப், மில்க்மெய்டு அல்லது கோவா – அரை கப், நெய் – ஒரு டேபிள்ஸ்பூன், குங்குமப்பூ – ஒரு சிட்டிகை, பாதாம், முந்திரி – சிறிதளவு.
செய்முறை: பாதாம், முந்திரியைக் கொதிக்கும் தண்ணீரில் 10 நிமிடம் ஊற வைத்து நைஸாக அரைத்துக் கொள்ளவும். கடாயில் நெய் விட்டு, அதில் மசித்த உருளைக்கிழங்கைப் போட்டு பச்சை வாசனை போகும் வரை வதக்கவும். வதங்கியதும், சர்க்கரை சேர்த்து, கரைந்ததும் பால் சேர்த்து சிறிது நேரம் கொதிக்க விடவும். பிறகு, அரைத்த பாதாம், முந்திரி விழுதை சேர்த்து மில்க்மெய்டு அல்லது கோவா சேர்த்து, பாயசம் பதத்தில் வந்ததும் குங்குமப்பூ தூவி இறக்கவும்.
வித்தியாசமான டேஸ்ட்டில் அசத்தலாக இருக்கும் இந்த பாயசம்.
