ஓவியம் உயிராகிறது - நிழற்படம் எண் - 200

[MysteRy]

இசை
எங்கும் இசை எதிலும் இசை
இசைக்கு பலப்பல சக்திகள் உண்டு
இதய ரணங்களை குணமாக்கும்
வருந்தும் இதயங்களை
மயில் இறகால் வருடிவிடும்

இசையின் நாதத்தில்
பாம்பே மயங்கும் போது
பாமரன் மயங்க மாட்டானா என்ன
இறைவன் படைப்பில்
எங்கும் நிறைந்திருப்பது இசை

ஒரு தாலாட்டுக்கு
அழும் குழந்தையை தூங்கவைக்கும்
சக்தி உண்டு
ஒரு பக்திப் பாடலுக்கு
இறைவனை மனமுருக வைக்கும்
சக்தி உண்டு

இசையால் சொர்கமே நம்
காலடி சேர்கிறது
கவலைகள் காற்றாய்ப் பறக்கிறது
கனத்த நம் மனம்
கரைந்து ஊதுபத்தி மனம் போலே
மேலே செல்கிறது

இந்த உலகமே அழிந்தாலும்
இசை என்றும் அழியாது
அது என்றும் வாழும்   

[thamilan]

இசையும் இயற்கையும் ஒன்று
வீசும் காற்றில்  அடிக்கும் அலையில்
கொட்டும் மலையில் பாயும் அருவில்
எங்கும் எதிலும் வியாபித்திருப்பது இசை

இசைக்கு மொழி இல்லை
ஆண் பெண் என்ற பேதம் இல்லை
படித்தவன் பாமரன் என்ற வித்தியாசம் இல்லை
கிழவன் குழந்தை என்ற
வயதெல்லையும் இல்லை
எல்லோரது நாடிக்கமலத்திலும் நரம்புமண்டலத்திலும்
ஊடுருவிப் பாய்வது இசை   

தனிமை கொடுமையானது
அந்தத் தனிமையையே விரும்ப வைப்பது இசை
தனிமையின்  தோழன் இசை

இசை
அன்பால் அன்னை
துயர் துடைப்பதில் தோழன்
மனதை வருடிடும் காதலி

[BreeZe]

இதயத்தின் ஓசை

ஓவியம் உயிராகிறதுக்கு
இந்த வார படத்துக்கு
உயிர் கொடுக்கவா
என் உயிரை கொடுக்கவா...

என் இதயத்தை எடுத்து
படமா இங்க போட்டுட்டாங்க
படு பாவிகள் .. என் இதயம்
பாடும் ஓசை கேட்குதா
பாருங்கள்..
லேப் டாப் , லேப் டாப்..

லேப் டாப் எடுத்து
புயலா ஒரு கவிதை
எழுத தொடங்குனா
ஒரு யோசனை, நாம்தான்
தென்றல் ஆச்சே! புயலா
எப்படி எழுதுறதுன்னு..

எத்தனை காற்று அடிச்சாலும்
தென்றல் போல வருமா
உங்க மனசு சொல்றது
கேக்குது .. கேக்குது ..
என் இதயத்தின் ஓசை
லேப் டாப் .. லேப் டாப் ..

எல்லாரும் கவிதை
போட்டுப்புட்டாங்க
ஒருகவிதையும்
வரலையே ...
அய்யப்பா .. சொக்கா...
நாளு வேற நெருங்கிட்டே
இதயத்தின் ஓசை
லேப் டாப்... லேப் டாப்....

ஓவியம் உயிராகிறது
என் கவிதை ..வாசிக்கிறாங்க..
ஆஹாஆ ...
இப்போதான் தென்றலாய்..
இதயத்தின் ஓசை ..
லப் டப்.. லப் டப்.. லப் டப்