~ கணவா றோஸ்ட் ~

[MysteRy]

கணவா றோஸ்ட்



தேவையான பொருட்கள்:

கணவா மீன் – 1 கிலோ கிராம்
வெங்காயம் – 2 நறுக்கியது
பச்சை மிளகாய் – 4 நறுக்கியது
பூண்டு – 5-6 பற்கள்
இஞ்சி – 1/2 கப் )நறுக்கியது)
தக்காளி – 1பெரியது
மிளகாய் தூள் – 2 மேசைக்கரண்டி
நல்ல மிளகு தூள் – 1 1/2 மேசைக் கரண்டி
மல்லித் தூள் – 1 1/2 மேசைக் கரண்டி
மஞ்சள்தூள் – 3/4 தேக்கரண்டி
கரமசாலா தூள் – 1/2 தேக்கரண்டி
தேங்காய் – 1/2 கப் (துருவியது)
கறிவேப்பிலை – தேவையான அளவு
உப்பு – – தேவையான அளவு
தேங்காய் எண்ணெய் – தேவையான அளவு

செய்முறை:

முதலில் கணவா மீனை கழுவி அதனை சிறு சிறு வளையங்களாக நறுக்கிக் கொள்ளவும்.பின்பு அதனை 1/2தேக்கரண்டி நல்ல மிளகு தூளில் புரட்டி எடுக்கவும். பின்பு அதனுடன் 1/2தேக்கரண்டி மஞ்சள் தூள்,கறி வேப்பிலை பொடித்த இஞ்சி,பூண்டுமற்றும் உப்பு சேர்த்து குக்கரில் வேக வைக்கவும்.ஒரு விசில் வரும் வரை நீர் சேர்க்கக் கூடாது .அதே நேரம் கடாயில் எண்ணெய் விட்டு காய்ந்த்தும் நறுக்கிய வெங்காயம் நறுக்கிய பச்சை மிளகாய் சேர்த்து பென்னிறமாகும் வரை வதக்கவும். பின்பு தீயைக் குறைத்து அதனுடன் மிளகாய் தூள், 1/2 தேக்கரண்டிநல்ல மிளகு தூள் தானியா தூள்,1/4 தேக்கரண்டி மஞ்சள் தூள், சேர்த்து சிறிது நேரம் வதக்கவும். பின்பு நறுக்கிய தக்காளி மற்றும் சிறிதளவு உப்பு சேர்த்து தக்காளி நன்கு வதங்கும் வரை வதக்கவும். அதனுடன் தேங்காய் துருவல், கரம் மசாலா, வேக வைத்த கணவா மீன் மற்றும் நீர் சேர்த்து குக்கரில் வைத்து 5-10 நிமிடம் வரை வேக வைத்து அல்லது குழம்பு கெட்டியானதும் இறக்கவும்.
சுவையான கணவா றோஸ்ட் ரெடி