~ எள்ளு ப்ரான் ஃப்ரை ~

[MysteRy]

எள்ளு ப்ரான் ஃப்ரை



இறால் – அரை கிலோ
முதல் கலவை:
இஞ்சி விழுது – ஒரு மேசைக்கரண்டி
பூண்டு விழுது – ஒரு மேசைக்கரண்டி
எலுமிச்சை சாறு – 2 மேசைக்கரண்டி
மிளகாய்த் தூள் – ஒரு தேக்கரண்டி
வெள்ளை (அ) கறுப்பு மிளகு தூள் – அரை தேக்கரண்டி
உப்பு – தேவையான அளவு
இரண்டாவது கலவை:
கெட்டி தயிர் – அரை கப்
க்ரீம் – 3 மேசைக்கரண்டி
ஏலக்காய் தூள் – அரை தேக்கரண்டி
கடலை மாவு – 1 1/2 மேசைக்கரண்டி
மேல் மாவு:
ப்ரெட் க்ரம்ப்ஸ் – ஒரு கப்
வெள்ளை (அ) கறுப்பு எள்ளு – அரை கப்

இறாலை சுத்தம் செய்து வைக்கவும். மற்ற தேவையானவற்றையும் தயாராக எடுத்து வைக்கவும்.
எலுமிச்சை சாறில் இஞ்சி விழுது, பூண்டு விழுது, மிளகாய்த் தூள், வெள்ளை (அ) கறுப்பு மிளகு தூள், உப்பு ஆகியவற்றை கலந்து அதில் சுத்தம் செய்த இறாலை போட்டு பிரட்டி 1 மணி நேரம் ஊற வைக்கவும்.
ஊறிய இறாலை எடுத்து நீர் இல்லாமல் வடித்து இரண்டாம் கலவையான கெட்டி தயிர், க்ரீம், ஏலக்காய் தூள், கடலை மாவு கலவையில் போட்டு 40 நிமிடம் ஊற வைக்கவும். ப்ரெட் க்ரம்ப்ஸ், எள்ளு இரண்டையும் ஒரு தட்டில் கலந்து அதில் ஊற வைத்த இறாலை பிரட்டி ஃப்ரிட்ஜில் 15 நிமிடம் வைக்கவும்
வாணலியில் எண்ணெய் ஊற்றி காய்ந்ததும் ஊறிய இறாலை போட்டு பொரித்து எடுக்கவும்.
சுவையான‌ எள்ளு ப்ரான் ஃப்ரை தயார்.