~ கறிவேப்பிலை சாதம் ~

[MysteRy]

கறிவேப்பிலை சாதம்



தேவையான பொருட்கள்:

வேகவைத்த சாதம் – 1 கப்
கறிவேப்பிலை – 2 கைப்பிடி அளவு
கருப்பு உளுத்தம்பருப்பு – 1 தேக்கரண்டி
கடலைப்பருப்பு – 1 தேக்கரண்டி
மிளகு – அரை தேக்கரண்டி
மிளகாய் வற்றல் – 2
சீரகம் – 1 தேக்கரண்டி
உப்பு – சுவைக்கு
பெருங்காயத்தூள் – அரை தேக்கரண்டி

தாளிக்க :

நல்லெண்ணெய் – 3 தேக்கரண்டி
முந்திரிப்பருப்பு – 5
கடுகு – 1 தேக்கரண்டி

செய்முறை:

• ஒரு வாணலியில் சிறிது நல்லெண்ணெய் ஊற்றி, காய்ந்ததும், உளுத்தம்பருப்பு, கடலைப்பருப்பு, மிளகாய், மிளகு, சீரகம் போட்டு நன்று வறுத்து கொள்ளவும்.
• அடுத்து கறிவேப்பிலையை போட்டு நன்றாக வறுத்துக்கொள்ளவும்.
• இவை நன்றாக ஆறிய பின்னர் நன்றாக பொடித்து கொள்ளவும்.
• வேக வைத்த சாதத்தில் இந்த பொடியை இட்டு, கடுகு, முந்திரிப் பருப்பு தாளித்து, உப்பு மற்றும் பெருங்காயத்தூள் சேர்த்து கலந்து பரிமாறவும்.
• இது சத்தான, ருசியான சாதம். வேலைக்கு செல்பவர்கள் மதிய உணவாக எளிதாக செய்து எடுத்து கொண்டு செல்லலாம். இதற்கு வெங்காய தயிர்ப்பச்சடி அல்லது வெள்ளரிக்காய் தயிர்ப்பச்சடி தொட்டுக் கொள்ளலாம்.