~ மக்காசோள ரவை கிச்சடி ~

[MysteRy]

மக்காசோள ரவை கிச்சடி



என்னென்ன தேவை

மக்காசோள ரவை : 1 கப்
பொடியாக நறுக்கிய காய்கள் : ஒரு கப் (பட்டாணி, கேரட், உருளைகிழங்கு, பீன்ஸ்
பொடியாக நறுக்கிய வெங்காயம் : கால் கப்
பொடியாக நறுக்கிய சிறிய தக்காளி ஒன்று
இஞ்சி _ ஒரு சிறிய துண்டு
பச்சைமிளகாய்- 5
எலுமிச்சம்பழ ஜூஸ் – ஒரு டேபிள் ஸ்பூன்
கறிவேப்பிலை, கொத்தமல்லி தழை சிறிது
மஞ்சள் தூள் : கால் சிட்டிகை
தண்ணீர் : இரண்டரை கப்
உப்பு தேவையான அளவு

தாளிக்க :

எண்ணெய் : 2 டேபிள் ஸ்பூன்
கடுகு : அரை டி.ஸ்பூன்
உளுத்தம் பருப்பு : அரை டேபிள் ஸ்பூன்
கடலைபருப்பு : அரை டேபிள் ஸ்பூன்
கறிவேப்பிலை

அடிகனமான வாணலியை வைத்து எண்ணெய் ஊற்றி, சூடானதும் கடுகு, உ.பருப்பு, கடலை பருப்பு, கறிவேப்பிலை தாளிக்கவும்.
வெங்காயம், இஞ்சி, பச்சைமிளகாய்சேர்த்து வதக்கி, காய்களை சேர்த்து 2 நிமிடம் வதக்கவும். ம.தூள், தக்காளி சேர்த்து மேலும் ஒரு நிமிடம் வதக்கி தண்ணீர் சேர்க்கவும்.
தண்ணீர் கொதிவந்தவுடன் எலுமிச்சம்பழ ஜூஸ், உப்பு சேர்த்து தணலை குறைத்து வைத்து ரவையை தூவியது போல் கொட்டி கிளறவும்
வாணலியை மூடி 15 நிமிடம் மிக குறைந்த தணலில் வேகவிடவும்.
இடையில் ஒரு முறை கிளறிவிடவும். கொத்தமல்லி தழை தூவி தேங்காய் சட்னி, பீர்க்கங்காய் பச்சடியுடன் பரிமாறவும்.

குறிப்பு:

மக்கா சோள ரவை வேக சிறிது நேரம் எடுக்கும், குழைய வேண்டுபவர்கள் இன்னும் அரைகப் தண்ணீர் அதிகம் சேர்க்கலாம். ம.தூள் வதக்கும் போதே சேர்ப்பதால் காய்கள் நிறம் மாறாமல் இருக்கும். எலுமிச்சம் பழ ஜூஸ் கொதித்தவுடன் விட்டால் கசப்படிக்காது. சமமாக பரவும்