~ பெண்கள் தொப்பை குறைக்க தொப்பை குறைய உடற்பயிற்சி ~

[MysteRy]

பெண்கள் தொப்பை குறைக்க தொப்பை குறைய உடற்பயிற்சி





இன்றைய பெண்களுக்கு பெரிய பிரச்சனையாக இருப்பது தொப்பை. இதற்கு முக்கிய காரணம் உடல் உழைப்பு இல்லாதது மற்றும் நொறுக்கு தீனி சாப்பிடுவது, அசைவ உணவை தினமும் எடுத்துக் கொள்வது போன்ற பல பிரச்சனைகள் ….
தொப்பையை குறைக்க ஜீம்முக்கு சென்று தான் குறைக்க வேண்டும் அவசியம் இல்லை. வீட்டிலேயே சில எளிய பயிற்சிகள் மூலம் தொப்பையை குறைக்க முடியும். தொப்பை குறைய எளிய பயிற்சி இதோ… முதலில் விரிப்பில் மல்லாந்து படுத்து கொள்ளவும்.
படத்தில் காட்டியபடி தலையின் இரு பக்கமும் விரல்களால் தொட்டபடியே தலையை மேலே கொண்டுவந்து நன்றாக முதுகை வளைக்க வேண்டும். பின்னர் மெதுவாகப் பழைய நிலைக்குத் திரும்ப வேண்டும். இந்தப் பயிற்சியினால் மேல் பகுதிக்கு நல்ல அழுத்தம் கிடைக்கிறது.
இவ்வாறு ஆரம்பத்தில் 10 முறை செய்யலாம். நன்கு பயிற்சி பெற்ற பின்னர் 25 முறை செய்யலாம் (அல்லது உங்களால் முடிந்த அளவு எவ்வளவு முறை வேண்டுமானாலும் செய்யலாம்.).

இவ்வாறு தொடர்ந்து 3 மாதம் செய்து வந்தால் நல்ல பலன் கிடைப்பதை கண்கூடாக பார்க்கலாம். இதனால் வயிற்றின் மேல் பகுதியில் உள்ள தசை இறுகி, தொப்பை குறையும். முதுகு வலி உள்ளவர்களுக்கு இந்த பயிற்சி ஏற்றது.
• விரிப்பில் நேராக படுத்து மெதுவா உங்க காலை மேல தூக்குங்க. முதுகு தரையில் இருக்க வேண்டும். காலை மடக்காமல் நேராக இருக்க வேண்டும்.
• இரண்டு காலையும் மடக்கி தரையில் படுங்க. பின் வலது காலை மட்டும் நேராக நீட்டி 10 வினாடி இருக்கவும். பின் வலது காலை பழைய நிலைக்கு கொண்டுவரவும். பின் இடது காலை நேராக நீட்டி 10 வினாடி இருக்கவும் பின் இடது காலை பழைய நிலைக்கு கொண்டுவரவும். 10 முறை இவ்வாறு செய்யவும். நன்கு பழகிய பின்னர் தினமும் 25 முறை செய்யலாம்.
• தரையில் நேராக படுத்த பின்னர் இரண்டு காலையும் தரையில் இருந்து முட்டி மடங்காம நேரா தூக்க வேண்டும். இதே நிலையில் 30 வினாடிகள் இருங்க வேண்டும். நேரம் ஆக ஆக வயிறு இறுகும் உங்களால் காலை தூக்குனாப்பல வைச்சிருக்க முடியாது. 10, 15, …., 60 வினாடின்னு நேரத்தை அதிகரிச்சுக்கலாம். நேரத்தை அதிகரிக்க முயற்சி பண்ணுங்க. 10 முறை இப்படி பண்ணுங்க.
தொப்பை குறைய எண்ணற்ற பயிற்சிகள் உள்ளன. அவற்றில் ஒரு சில பயிற்சிகள் மட்டுமே நல்ல பலனை விரைவில் கொடுக்கக்கூடியது. இதில் இந்த பயிற்சியும் ஒன்று. இந்த பயிற்சியை ஆண்களுக்கு மிகவும் சிறந்தது. பிரசவத்திற்கு பின் பெண்களுக்கு இருக்கும் தொப்பை குறைய இந்த பயிற்சி மிகவும் சிறந்தது.
ஆனால் நார்மல் டெலிவரி என்றால் 3 மாதத்திற்கு பிறகும், சிசேரியன் என்றால் 5 மாதத்திற்கு பிறகும் இந்த பயிற்சியை செய்யலாம். சிசேரியன் செய்தவர்கள் ஆரம்பத்தில் சில எளிய பயிற்சிகளை செய்து பழகிய பின்னர் இந்த பயிற்சியை செய்ய ஆரம்பிக்கலாம்.
பெண்களுக்கு இந்த பயிற்சி உடனடியாக நல்ல பலனை தரக்கூடியது. இந்த பயிற்சி செய்ய முதலில் விரிப்பில் மல்லாந்து கால்களை நீட்டி படுத்துக் கொள்ளவும். கால்கள் இரண்டையும் மேல் முக்கால் பாகத்திற்கு தூக்கவும். பின்னர் உடலை முன்புறமாக எழுந்து கைகளை கால்களுக்கு இணையாக நீட்ட வேண்டும்.
கால்களுக்கும், கைகளுக்கும் இடையே 1 அடி இடைவெளி இருக்க வேண்டும் (படத்தில் உள்ளபடி).இந்த நிலையில் 15 விநாடிகள் இருக்க வேண்டும். இந்நிலையில் உங்கள் வயிற்று பகுதியில் அசைவு ஏற்படுவதை காணலாம்.
அவ்வாறு அசைவு இருந்தால் தான் நீங்கள் செய்வது  சரியான முறையாகும். மேலும் விரைவில் பலனும் கிடைக்கும். இவ்வாறு இந்த பயிற்சியை தொடர்ந்து 5 முதல் 7 முறை செய்யலாம். இந்த பயிற்சியை தொடர்ந்து  3 மாதம் செய்து வந்தால் தொப்பை குறைவதை காணலாம்.