~ காராபூந்தி ~

[MysteRy]

காராபூந்தி



சுவையான, காரசாரமான காராபூந்தி செய்வதற்கான எளிய செய்முறை குறிப்பு.

தேவையான பொருட்கள் :

கடலை மாவு – 1 கப்
அரிசி மாவு – 2 மேசைக்கரண்டி
வற்றல் மிளகாய் – 6
முந்திரிப்பருப்பு – 10
வேர்க்கடலை – 2 மேசைக்கரண்டி
கருவேப்பிலை – தேவையான அளவு
உப்பு – தேவையான அளவு

செய்முறை :

கடலை மாவையும், அரிசி மாவையும் தண்ணீர் சேர்த்து பஜ்ஜி மாவு பதத்திற்கு கரைத்துக் கொள்ளவும்.
ஒரு கடாயில் பொரிப்பதற்கு தேவையான அளவு எண்ணைய் ஊற்றவும்.
எண்ணெய் காய்ந்தவுடன், லட்டு தேய்க்கும் கரண்டியை எண்ணெய்க்கு மேல் பிடித்து, கரைத்த மாவை அதில் ஊற்றி ஒரு கரண்டியால் நன்கு தேய்த்து விடவும்.
பூந்தி நன்றாகப் பொரிந்து சிவந்து வரும்போது எடுக்கவும்.
மீதமுள்ள மாவை இதே போல் பூந்தியாகப் பொரித்து எடுக்கவும்.
மிளகாயை வறுத்து பொடி செய்து கொள்ளவும்.
மிளகாய்த்தூள், உப்பு இரண்டையும் கலந்து பூந்தியின் மேல் தூவி நன்கு கலந்து விடவும்.
வேர்க்கடலை, முந்திரிபருப்பு, கருவேப்பிலை இவற்றை தனித்தனியே நெய் அல்லது எண்ணெயில் வறுத்து காரா பூந்தியில் சேர்த்து கலந்து வைக்கவும்.
மிளகாய்க்குப் பதில் மிளகையும் பொடி செய்து சேர்க்கலாம்.