~ தக்காளி பச்சடி ~

[MysteRy]

தக்காளி பச்சடி



தேவையான பொருட்கள்:

 நன்கு பழுத்த தக்காளி – 3
மஞ்சள் தூள் – 1/2 தேக்கரண்டி
சர்க்கரை – 2 மேஜைக்கரண்டி
உப்பு – தேவையான அளவு

அரைக்க :

தேங்காய் – 2 மேஜைக்கரண்டி
சின்ன வெங்காயம் – 4
பச்சை மிளகாய் – 2
சீரகம் – 1 மேஜைக்கரண்டி

தாளிக்க :

நல்லெண்ணெய் – 2 மேஜைக்கரண்டி
கடுகு – 1 தேக்கரண்டி
உளுந்தம் பருப்பு – 1/2 தேக்கரண்டி
கறிவேப்பிலை – சிறிது

செய்முறை:

* தக்காளியை சிறியதாக நறுக்கி வைக்கவும்.
* அரைக்க கொடுத்தவற்றை மிக்சியில் போட்டு அரைத்துக் கொள்ளவும்.
* அடுப்பில் கடாயை வைத்து ஒரு தேக்கரண்டி எண்ணெய் ஊற்றி சூடானதும் தக்காளியை போட்டு நன்கு சுருள வதக்கவும்.
* தக்காளி வதங்கியதும் அரைத்த கலவை, மஞ்சள் தூள், உப்பு சேர்த்து வதக்கி 5 நிமிடம் வரை நன்றாக கிளறி அடுப்பிலிருந்து இறக்கி நன்கு ஆற விடவும்.
* ஆறிய பின் தக்காளி கலவையை சர்க்கரையுடன் சேர்த்து மிக்ஸ்சியில் போட்டு ஒரு சுற்று சுற்றி எடுக்கவும்.
* அடுப்பில் மற்றொரு கடாய் வைத்து எண்ணெய் ஊற்றி கடுகு, உளுந்தம்பருப்பு, கறிவேப்பிலை போட்டு தாளித்து அரைத்த கலவையில் ஊற்றவும்.
* சுவையான தக்காளி பச்சடி ரெடி.
* இது இட்லி, தோசை, சாம்பார் சாதம், தயிர் சாதத்துடன் சேர்த்து சாப்பிட நன்றாக இருக்கும்.