~ முட்டை உசிலி ~

[MysteRy]

முட்டை உசிலி



தேவையான பொருட்கள்:-

முட்டை – 4
கடலை பருப்பு – 50 கிராம்
துவரம் பருப்பு – 50 கிராம்
வெங்காயம் – 100 கிராம்
பச்சை மிளகாய் – 4
தாளிக்க :
எண்ணெய்
கறிவேப்பிலை
கொத்தமல்லி
ஒரு சிறிய துண்டு இஞ்சி
ஜீரகம்
பெருஞ்சீரகம்
பிரிஞ்சி,
பட்டை,
கிராம்பு
உப்பு

செய்முறை:-

• முட்டையின் வெள்ளைக்கருவை மட்டும் தனியாக எடுத்து வைக்கவும்.
• 1/2 மணி நேரம் கடலைப் பருப்பையும், துவரம் பருபபையும் ஊற வைத்து, தேவையான அளவு உப்பு சேர்த்து, அரைத்து வைத்துக்கொள்ளவேண்டும்.
• பிரிஞ்சி, பட்டை, கிராம்பை பொடித்து கொள்ளவும்.

• வெங்காயம், பச்சை மிளகாய், இஞ்சி முதலியவற்றைப் பொடியாக நறுக்கி இவற்றோடு, அரைத்து வைத்துள்ள பருப்பு விழுதைப் போட்டுக் கலந்துவைத்துக் கொள்ள வேண்டும். இந்தக் கலவையை இட்லித் தட்டுகளில் வைத்து வேக வைத்து ஆறியபின், பொல பொலவென உதிர்த்து வைத்துக் கொள்ளவேண்டும்.
• அடுப்பில் கடாய் வைத்து சூடானதும் எண்ணெய் ஊற்றி காய்ந்ததும், பிரிஞ்சி, பட்டை, கிராம்பைப் பொடித்ததை போட்டு தாளித்து, 4 முட்டையின் வெள்ளைக்கருவை ஊற்றி, மிதமான தீயில் பொரித்து எடுக்கவும்.
• இத்துடன், பருப்புக் கலவையைக் கலந்து பொன்னிறமக வரும் வரை, லேசாக எண்ணெய் விட்டு இளம் சூட்டில், வதக்கி இறக்க வேண்டும்.
• இதுவே முட்டை உசிலி எனப்படும் சுவையான பொரியல்.
• சைட் டிஷ்ஷாக மட்டுமின்றி மாலைச் சிற்றுண்டியாகவும் பயன்படுத்தலாம். குழந்தைகள் விரும்பிச் சாப்பிடுவார்கள்.