~ முருங்கைகாய் சாதம் ~

[MysteRy]

முருங்கைகாய் சாதம்



தேவையான பொருட்கள்

சாதம் - 1 கப்

முருங்கைக்காய் - 5

நல்லெண்ணெய் - 25 மி.லி.

மிளகாய் வற்றல் - 2

எலுமிச்சை பழம் - பாதி

மஞ்சள் பொடி - சிட்டிகை

பெருங்காயப்பொடி, தனிவத்தல் பொடி, கடுகு, கறிவேப்பிலை, உப்பு - தேவைக்கேற்ப.

செய்முறை

• எலுமிச்சை பழத்திலிருந்து சாறு பிழிந்து தனியாக வைக்கவும்.

• முருங்கைக்காய்களை பெரிய துண்டுகளாக நறுக்கி நன்றாகக் கழுவிய பின், தண்ணீர் விட்டு வேக வைக்கவும். வெந்தவுடன் தோல் விலக்கி, அதன் சதைப்பாகத்தை ஒரு ஸ்பூனினால் வழித்து எடுத்து வைக்கவும்.

• அதனுடன் ஒரு சிட்டிகை மஞ்சள்தூள், காரத்துக்குத் தேவையான தனிவத்தல்பொடி, தேவையான அளவு உப்பு சேர்க்கவும்.

• கடாயில் தேவைக்கு கொஞ்சம் அதிகமாகவே நல்லெண்ணெய் விட்டு கடுகு தாளித்து மிளகாய் வற்றல், கறிவேப்பிலை, சிறிது பெருங்காயத்தூள் சேர்க்கவும்.

• மஞ்சள், வத்தல்பொடி, உப்பு சேர்த்து கலந்து வைத்த கலவையை வாணலியில் இடவும்.

• நன்றாக வதக்கி எண்ணெய் கக்கும்போது தேவையான அளவு எலுமிச்சைச்சாறு கலக்கவும். ஒரு கிண்ணத்தில் முருங்கைக்காய் ஊறுகாயை எடுத்து வைக்கவும்.

• அதே வாணலியில் சிறிது ஊறுகாயோடு கொஞ்சம் சாதம் சேர்த்து கிளறி எடுத்தால் சுவையான முருங்கைகாய் சாதம் ரெடி